युनाइटेड फाइनान्सलाई गाभेर नबिल बैंकले २७ गतेबाट एकीकृत कारोबार गर्ने
२२ असार/अर्थ र व्यापार– नबिल बैंकले युनाइटेड फाइनान्स प्राप्ति गरेर असार २७ गतेबाट एकीकृत कारोबार शुरु गर्ने भएको छ । प्राप्ति पछि नबिल बैंकको नामबाटै कारोबार हुने नबिल बैंकले जनाएको छ ।
दुवै संस्थाबीच बैशाख १७ गते प्राप्तिबारे सम्झौता भएको थियो । भने नेपाल राष्ट्र बैंकले गत १८ गते अन्तिम स्वीकृति दिएको थियो ।
नबिलले युनाइटेडलाई १ः०.३५ को स्वाप अनुपातमा प्राप्ति गरेको हो । अर्थात्, प्राप्तिपछि युनाइटेड फाइनान्सको सय कित्ता सेयरबराबर नबिलको ३५ कित्ता कायम हुनेछ ।
नबिल बैंकले पहिलोपटक संस्था प्राप्ति गर्न लागेको हो । नबिल र युनाइटेड दुवै विदेशी संयुक्त लगानीका वित्तीय संस्था हुन् ।
नबिल बैंकको अन्तिम सेयर मूल्य १२९७ रुपैयाँ छ । युनाइटेडको ४२३ रुपैयाँ छ । अहिले युनाइटेडको सेयर कारोबार रोक्का छ ।
नबिलको अहिले चुक्ता पुँजी १३ अर्ब ४८ करोड रुपैयाँ छ । युनाइटेडको एक अर्ब चार करोड छ । अब युनाइटेडको पुँजीबाट नबिलमा ३६ करोड ४२ लाख रुपैयाँ थपिएर पुँजी १३ अर्ब ८४ करोड ४४ लाख रुपैयाँ पुग्ने छ ।
अहिले नबिलको जगेडा कोष १७ अर्ब ५२ करोड ६८ लाख रुपैयाँ र युनाइटेडको ६१ करोड ९१ लाख रुपैयाँ छ । यसबाहेक सेयर आदानप्रदान अनुपातबाट अर्को ६७ करोड ६५ लाख रुपैयाँ पनि जगेडा कोषमा थपिने छ । यसले गर्दा अब नयाँ बैंकको जगेडा कोष १८ अर्ब ८२ करोड २५ लाख रुपैयाँको हुने छ ।
चैतसम्मको वित्तीय विवरणलाई आधार मान्दा युनाइटेडको ८ अर्ब ३७ करोड निक्षेप थपिएर २ खर्ब १६ अर्ब ७० करोड पुग्ने छ भने ऋण ६ अर्ब २७ करोड थपिएर २ खर्ब नाघ्ने छ ।
सम्बन्धित शीर्षकहरु
मुख्य खबर
जेनजी पुस्ताको प्रदर्शन थप चर्किएपछि विद्यार्थीलाई विद्यालयमै राख्न र कर्मचारीलाई कार्यालयमै बस्न प्रशासनको आग्रह
जेनजी पुस्ताको प्रदर्शन थप चर्किएपछि जिल्ला प्रशासन कार्यालय काठमाडौंले विद्यालयमा रहेका विद्यार्थीलाई विद्यालयमै ‘होल्ड’ गर्न आग्रह गरेको छ । प्रहरीको गोलीप्रहार र दमनपछि आन्दोलन थप
भ्रष्टाचार र कुशासन बिरूद्ध जेनजी पुस्ताको बेजोड प्रदर्शन
भ्रष्टाचार र कुशासनलाई लिएर आफूविरुद्धको आक्रोश दबाउन सरकारले सामाजिक सञ्जाल बन्द गरेपछि त्यसको विरोधमा जेनजी पुस्ता अभूतपूर्वरुपमा सडकमा ओर्लिएर प्रदर्शन गरिरहेका छन् ।
१९ खर्ब ६४ अर्ब ११ करोडको बजेट प्रस्तुत
अर्थमन्त्री विष्णु प्रसाद पौडेलले आगामी आर्थिक वर्ष २०८२/८३ का लागि १९ खर्ब ६४ अर्ब ११ करोड बराबरको बजेट सार्वजनिक गरेका छन् ।
१८ औं गभर्नरमा प्रा.डा. विश्वनाथ पौडेल नियुक्त
नेपाल राष्ट्र बैंकको १८ औं गभर्नरमा प्रा.डा विश्वनाथ पौडेल नियुक्त भएका छन् । मंगलबार बसेको मन्त्रिपरिषद् बैठकले प्रा.डा विश्वनाथ पौडेललाई नेपाल राष्ट्र बैंकको १८ औं गभर्नर नियुक्त गरेको सरकारका प्रवक्ता
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया