सर्वोत्तम सिमेन्टको आईपीओमा ७ गुणा बढी आवेदन

656 पटक पढिएको

९ माघ/अर्थ र व्यापार – सर्वोत्तम सिमेन्टले वैदेशिक रोजगारीमा रहेका नेपालीलाई खुला गरेको आईपीओमा ७१ करोड २४ लाख ६७ हजार १२६ रुपैयाँबराबरको आवेदन परेको छ । सीडीएस एन्ड क्लियरिङका अनुसार कम्पनीको आईपीओमा सोमबार साँझसम्ममा ३० हजार ६४३ जना आवेदकले १९ लाख ७४ हजार १४० कित्ताका लागि आवेदन दिएका हुन् । जुन मागभन्दा ७.३९ गुणा बढी आवेदन हो ।
कम्पनीले उद्योग प्रभावित क्षेत्रका स्थानीय बासिन्दाका लागि ९ लाख ३० हजार कित्ता छुट्याएको छ । यसमा उद्योग प्रभावित क्षेत्र सुनवल नगरपालिका वडा नम्बर ३, ४, ५, ६ र १३ तथा उत्खनन् प्रभावित क्षेत्र पाल्पा जिल्लाको रैनादेवी छहरा गाउँपालिका वडा नम्बर १ र २ का स्थानीय बासिन्दाले आवेदन दिन सक्नेछन् । त्यस्तै, रिब्दिकोट गाउँपालिकाको वडा नम्बर २, ३, ४ र ६, तिनाउ गाउँपालिकाको वडा नम्बर १, २ र ३, माथागढी गाउँपालिकाको वडा नम्बर ७ र ८ तथा निस्दी गाउँपालिकाको वडा नम्बर ७ मा बसोबास गर्ने स्थानीय बासिन्दाका लागि छुट्याएको छ ।
कम्पनीले २ लाख ६७ हजार कित्ता सेयर नेपाल सरकारको सम्बन्धित निकायबाट श्रम स्वीकृति प्राप्त गरी विदेशमा रोजगार गरी रहेका नेपालीका लागि निष्कासन गर्ने भएको छ । बुक बिल्डिङ विधिबाट निष्कासन गर्न लागिएको सेयरको मूल्य प्रतिकित्ता ३६०.९० रुपैयाँ निर्धारण गरिएको छ । लगानीकर्ताले न्यूनतम ५० कित्ता र अधिकतम १० हजार कित्ताको लागि आवेदन दिन सक्नेछन् । आयोजना प्रभावित क्षेत्रका बासिन्दाका लागि आईपीओ निष्कासन चाँडोमा माघ १० गते र ढिलोमा माघ २५ गते बन्द हुनेछ । त्यस्तै, वैदेशिक रोजगारीमा रहेका नेपालीका लागि भने १० माघमा बन्द हुनेछ ।

तपाईको प्रतिक्रिया

सम्बन्धित शीर्षकहरु

समृद्धिकालागि राजनीतिक नेतृत्वलाई सकारात्मक दबाब दिनुपर्छ:पूर्व उपप्रधानमन्त्री तथा एमाले बरिष्ठ उपाध्यक्ष पोखरेल

नेपाल बीमा प्राधिकरणको ५६औँ वार्षिकोत्सवमा प्रभातफेरी कार्यक्रम

सेबोनको अध्यक्ष बन्न चापागाईंसहित १९ जनाको आवेदन

सानिमा रिलायन्स लाईफको बिमा सचेतता कार्यक्रम सम्पन्न

आईएमई लाइफको ब्राण्ड एम्बेसडर दिपक र दिपा

माउन्टेन ग्लोरी फरेष्ट रिसोर्टले ४० लाख कित्ता आईपीओ जारी गर्ने,एलएस क्यापिटल बिक्री प्रबन्धक