७ पुस/अर्थ र व्यापार– ङादी ग्रुप पावर लिमिटेडको पुस ६ गते बसेको सञ्चालक समितिको बैठकले सातौं वार्षिक साधारण सभा पुस २८ गते गर्ने भएको छ ।

कम्पनीले रजिष्टर्ड कायार्लय अनामनगर, काठमाडौंमा बिहान १० बजेका लागि साधारण सभा बोलाएको हो । 
सभाले आर्थिक वर्ष २०७६/७७ को मुनाफाबाट शेयरधनीहरुलाई १० प्रतिशत बोनस शेयर र कर प्रयोजनका लागि ०.५२६ प्रतिशत नगद लाभांश वितरण गर्ने प्रस्ताव पारित गर्नेछ ।

कम्पनीले बोनस वितरण पश्चात कायम हुने चुक्तापूँजीको ३० प्रतिशतले हुने गरी हकप्रद शेयर जारी गर्ने प्रस्ताव पनि पारित गर्ने भएको छ ।

सभाले कम्पनीको प्रवन्धपत्र र नियमावलीमा संशोधन गर्ने, आर्थिक वर्ष २०७६/७७ को वार्षिक प्रतिवेदन छलफल गरी पारित गर्नुका साथै लेखा परीक्षकको नियुक्ति र निजको पारिश्रमिक निर्धारण गर्नेछ ।

साधारण सभा र लाभांश प्रयोजनका लागि पुस १५ गते (एक दिन) बुक क्लोज गर्ने तयारी कम्पनीको छ । पुस १४ गतेसम्म कायम शेयरधनीहरु मात्र सभामा भाग लिन र लाभांश प्राप्त गर्नेछन् ।