२४ फागुन/अर्थ र व्यापार – नवनियुक्त श्रम, रोजगार तथा सामाजिक सुरक्षामन्त्री डोलप्रसाद (डिपी)अर्यालले संसारभर रहेका नेपाली श्रमिक/मजदुरका समस्या एकद्वार प्रणालीबाट जतिसक्दो छिटो समाधान गर्ने प्रतिबद्धता व्यक्त गरेका छन् ।
दोस्रोपटक सिंहदरबार पसेका नवनियुक्त श्रममन्त्री अर्यालले पदबहाली गर्दै भने, ’संसारभरि रहेका नेपाली श्रमिकको समस्यालाई एकद्वार प्रणालीबाट सबैभन्दा पहिला समाधानको प्रयास गर्नेछु, त्यो श्रम मन्त्रालयको जिम्मेवारी पनि हो ।’
उनले विदेश र स्वदेशमा रहेका श्रमिकको हकहित आफ्नो पहिलो प्राथमिकता हुने बताए । उनले विशेषगरि वैदेशिक रोजगारीमा जाने नेपाली कामदारलाई प्रत्यक्ष लाभ हुनेगरी जनताका पक्षमा आफुले काम गर्ने प्रतिबद्धता व्यक्त गरे । यसैगरी, उनले वैदेशिक रोजगारीको क्षेत्रलाई थप व्यवस्थित बनाउन आफुले सक्दो प्रयास गर्ने बताए ।