वैदेशिक रोजगारीको क्षेत्रलाई थप व्यवस्थित र मर्यादित बनाइन्छ:नवनियुक्त श्रममन्त्री भण्डारी
१९ चैत/अर्थ र व्यापार– नवनियुक्त श्रम, रोजगार तथा सामाजिक सुरक्षामन्त्री शरतसिंह भण्डारीले वैदेशिक रोजगारीको क्षेत्रलाई थप व्यवस्थित, मर्यादित र सम्मानित बनाइने प्रतिबद्धता व्यक्त गरेका छन् ।
नवनियुक्त श्रममन्त्री भण्डारीले सिंहदबारस्थित मन्त्रालयमा पुगेर आफ्नो पदबहाली गर्ने क्रममा यस्तो प्रतिबद्धता व्यक्त गरेका हुन् । उनले स्वदेशमै रोजगारी सिर्जना तथा वैदेशिक रोजगारीलाई थप व्यवस्थित, मर्यादित र सम्मानित बनाउनेतर्फ आफूले सक्दो प्रयास गर्ने बताए ।
मुलुकलाई आर्थिक रूपले समृद्ध बनाउनका लागि श्रम, रोजगार तथा सामाजिक सुरक्षा मन्त्रालयले योगदान गर्न सक्नेगरी मन्त्रालयलाई सञ्चालन गरिने बताए ।
अहिले मन्त्रालयले गरिरहेका सम्पूर्ण कामकारबाहीलाई पुनरावलोकन गरिने बताउँदै उनले सीपयुक्त दक्ष जनशक्तिलाई वैदेशिक रोजगारीमा पठाउन पहल गरिने बताए ।
आफ्नो पदबहालीका क्रममा मन्त्री भण्डारीले अभिमुखीकरण सेवा प्रदायक संस्थाका काम कारबाहीलाई थप प्रभावकारी बनाउन कार्यदल गठन गर्नेसम्बन्धी निर्णयसमेत गरेका छन् ।
उनले आफ्नो लक्ष्यमा साथ दिन मन्त्रालयका सम्पूर्ण कर्मचारीलाई आग्रह गरे । उनले यस मन्त्रालय र मातहतमा भएका कर्मचारीसँगको आपसी सहकार्यबाट नै देशले खोजेको लक्ष्य प्राप्तिमा पुगिने भएकाले सबैको साथ र सहकार्यबाट नै आफू अघि बढ्ने बताए ।
लोकतान्त्रिक समाजवादी पार्टी (लोसपा)बाट श्रममन्त्री बनेका भण्डारीले यसअघि पनि संस्कृति, पर्यटन तथा नागरिक उड्डयन मन्त्रालयलगायत विभिन्न मन्त्री भई आफ्नो जिम्मेवारी पूरा गरिसकेका छन् । अहिले भण्डारी १६ औं पटक श्रम मन्त्री भएका हुन । त्यसैले, नवनियुक्त श्रममन्त्री भण्डारी अनुभवी मन्त्रीका रूपमा चिनिन्छन् ।
श्रममन्त्री भण्डारी गत मंसिरमा सम्पन्न प्रतिनिधिसभाको निर्वाचनमा लोसपाबाट महोत्तरी क्षेत्र नं. २ बाट प्रतिनिधिसभा सदस्यमा निर्वाचित भएका थिए ।
सम्बन्धित शीर्षकहरु
मुख्य खबर
महासंघको केन्द्रिय सदस्यमा सागर ढकालको उम्मेदवारी घोषणा
नेपाल उद्योग वाणिज्य महासंघको आसन्न निर्वाचनमा स्टक ब्रोकर एसोसिएसनका अध्यक्ष सागर ढकालले वस्तुगत तर्फबाट केन्द्रीय सदस्यमा उम्मेदवारी घोषणा गरेका छन् । अध्यक्ष ढकालले महासंघको वस्तुगत
भोली हुने निर्वाचनको सम्पूर्ण तयारी पूरा, निर्धक्क भएर मतदान गर्न आयोगको अपिल
निर्वाचन आयोगले भोली विहानैबाट सुरु हुने प्रतिनिधिसभा सदस्य निर्वाचनको सम्पूर्ण तयारी पूरा भएको जनाएको छ ।
निजी क्षेत्र अहिलेको जस्तो न्यून मनोबलको स्थितिमा पहिला कहिले पनि थिएन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रको संरक्षण र सुरक्षामा सरकारले काम गर्न नसकेको भन्दै असन्तुष्टि व्यक्त गरेका छन् । नेपाल उद्योग वाणिज्य महासंघले बुधबार आयोजना
सुरक्षाको प्रत्याभुति गर्न नपाएको निजी क्षेत्रको भनाई
निजी क्षेत्रका अगुवाहरुले सुरक्षाको प्रत्याभुति गर्न नपाएको गुनासो गरेका छन् । बैंक तथा वित्तीय संस्था परिसंघ नेपाल (सिबिफिन) को वार्षिक साधारणसभामा बोल्दै उनीहरुले जेनजी आन्दोलनबाट त्रसित निजी क्षेत्रलाई
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया