१५ भदौ/अर्थ र व्यापार – अर्थमन्त्री जनार्दन शर्माले राष्ट्रसेवक कर्मचारी र श्रमिकहरूको न्यूनतम तलब, भत्ता तथा पारिश्रमिक पुनरावलोकन गर्न बनेको उच्चस्तरीय तलब सुविधा आयोगका संयोजक तथा सदस्यहरूलाई नियुक्तिपत्र प्रदान गरेका छन् ।
मंगलबार अर्थ मन्त्रालयमा आयोजित एक कार्यक्रमकाबीच मन्त्री शर्माले आयोगका नवनियुक्त संयोजक तथा दुई सदस्यलाई नियुक्तिपत्र प्रदान गरेका हुन् ।
चालु आर्थिक वर्ष २०७९÷२०८० बजेटको बुदा नम्बर ३६७ मा ‘रास्ट्र सेवक कर्मचारीको न्युनतम तलब र सुबिधा पुनरावलोकन गर्न र श्रमिकहरुको तलब सुबिधाको अध्ययन गरि नेपाल सरकारलाइ सिफारिस गर्न एक उच्चस्तरिय तलब सुबिधा आयोग गठन गरिनेछ’ भन्ने व्यवस्था अनुसार अर्थमन्त्रि शर्माको प्रस्तावमा मन्त्रिपरिषदले गत ६ भदौमा यो आयोग गठन गरेको थियो ।
यो आयोग पूर्व मुख्यसचिव लीलामणि पौड्यालको संयोजकत्वमा गठन भएको हो । संयोजक पौड्याल सहित सदस्यहरू पूर्व सचिव विमल वाग्ले र नेपाल राष्ट्र बैंकका पूर्व कार्यकारी निर्देशक शिवनाथ पाण्डेलाई मंगलबार नियुक्तिपत्र प्रदान गरिएको हो ।
यस आयोगले नेपाल सरकारले निर्धारण गरेको मर्यादाक्रम बमोजिम राष्ट्रसेवक कर्मचारीहरूको तलबमान समायोजन गर्न सिफारिस गर्नेछ । यसैगरि,देसभरका सम्पूर्ण कामदार÷श्रमिकहरूको पारिश्रमिक, सेवा तथा सुविधाका मापदण्डहरु पनि सिफारिस गर्नेछ ।
नेपाल सरकारले आयोगलाई दिएको कार्य सर्तमा बिगतमा गठन भएका तलब , भत्ता पुनरावलोकन गर्ने सम्बन्धि आयोग, समिति र कार्यदलबाट प्रस्तुत भएका प्रतिबेदनहरुबाट आवश्यक सुचनाहरु संकलन गरी विश्लेषण गर्ने जिम्मेवारी दिएको छ ।
यसैगरि, दक्षिण एसियाली मुलुकहरुका रास्ट्रसेवक कर्मचारीहरुको तलब सुबिधाको अध्ययन एबम अर्थ तन्त्रको बर्तमान अवस्थाको अध्ययन विश्लेषण गरि नेपालका रास्ट्र सेवक कर्मचारीको तलब सुबिधा सिफारिस गर्ने, नेपाल सरकारले निर्धारण गरेको मर्यादाक्रम बमोजिम रास्ट्र सेवक कर्मचारीको तलबमान समायोजन गर्न सिफारिस गर्ने छ ।
त्यसैगरि, कार्यपालिका , व्यबस्थापिका , न्याय पालिका लगायतका निकाय तथा संबैधानिक निकाय समेतको जोखिम, कार्य समय, अतिरिक्त कार्य समय, कार्यभारको आधारमा उत्प्रेरणा योजना समेतको अध्ययन विश्लेषण गरी विद्यमान व्यवस्थामा पुनरावलोकन हुनेगरि सिफारिस गर्ने लगाएत रहेका छन् ।
सो आयोगको समयावधि तीन महिनाको हुने छ । यद्यपि आवश्यक परेको खण्डमा मन्त्रिपरिषद्ले यसको म्याद थप गर्न सक्ने छ भने आयोगका संयोजकको मन्त्री सरह र सदस्यहरूको राजपत्रांकित विशिष्ट श्रेणी सरह पारिश्रमिक तथा मर्यादाक्रम हुने अर्थमन्त्रालयले जनाएको छ ।
अर्थमन्त्रि शर्माले संयोजक तथा सदस्यहरुलाई नियुक्तिपत्र हस्तान्तरण गर्दै सरकारले सबैलाइ न्याय र समयानुकूल हुने पारिश्रमिक तथा सेवा सुबिधाबारे गहिरो अध्ययन गरेर आयोगबाट सुझाव प्राप्त गर्ने विश्वास व्यक्त गरे ।
आयोजका संयोजक पौडेलले नेपाल सरकारले विश्वास गरेर यो जिम्मेवारी दिएकोमा अर्थ मन्त्रिलाइ धन्यवाद दिए । आयोगको कार्यालय संघिय मामिला मन्त्रालयमा रहने अर्थमन्त्रालयले जनाएको छ ।