चीनको सिगात्से दिङ्गेमा भूकम्पका कारण मृत्यु हुनेको संख्या ५३ नाघ्यो, उद्धार कार्य जारी, काठमाडौ लगायत भारतसम्म ठुलो धक्का

984 पटक पढिएको

२३ पुस/अर्थ र व्यापार – चीनको तिब्बत प्रान्तको दिङ्गे काउन्टीमा केन्द्रबिन्दु भएर गएको भूकम्पमा मृत्यु हुनेको संख्या ५० नाघेको छ ।
मंगलबार बिहानै ७ म्याग्नेच्युडको शक्तिशाली भूकम्प गएपछि अझै पनि स साना परकम्पहरु गइरहेका छन् । नेपालको भूकम्प मापन केन्द्रले ७ म्याग्नेच्यूडको भूकम्प गएको जनाएको छ । चीनमा गएको भूकम्पले नेपाल र भारतसम्म ठुलो धक्का दिएर कम्पन भएको थियो।
सो भूकम्पका कारण चीनमा हालसम्म ५३ जनाको मृत्यु पुष्टि भएको त्यहाँको सञ्चारमाध्या महरुले जनाएको छ । अहिलेसम्मको उद्धारकार्यमा ६२ जना घाइते भएको भेटिएका छन्। सिगात्से दिङ्गे काउन्टीमा घरहरु भत्किएका छन्। सो भूकम्प प्रभावित क्षेत्रमा हाल २२ हजार राहतका सामग्री पठाइएको त्यहाँको सरकारले जनाएको छ । १ हजार ५०० जना उद्धारकर्मीहरु परिचालन गरिएका छन् ।
अहिले पनि दिङ्गेमा परकम्प जाने क्रम जारी छ । सो भूकम्पको प्रभाव नेपालको काठमाडौ लगायत धेरै जिल्लामा परेको छ । काठमाडौवासी भूकम्प आएपछि घरबाहिर निस्किएका थिए भने पूर्वि जिल्लाहरुका केही घरहरुमा सामान्य क्षति भएको सम्वन्धित जिल्ला प्रशासन कार्यालयहरुले जानकारी गराएका छन ।

तपाईको प्रतिक्रिया

सम्बन्धित शीर्षकहरु

३ साता बित्दा पनि थामिएन मध्यपूर्वमा जारी अमेरिका–इजरायल र इरानबीचको युद्ध

अमेरिकी राष्ट्रपति ट्रम्पको घरमा जबर्जस्ती छिर्न खोज्ने व्यक्तिलाई किन गोली हानेर मारियो ?

गुजरात राज्यको अहमदाबादमा भएको विमान दुर्घटनास्थल पुगे भारतीय प्रधानमन्त्री मोदी

नवनियुक्त अमेरिकी राष्ट्रपति ट्रम्पद्धारा युक्रेन युद्ध अन्त्य गर्ने घोषणा, विश्व अर्थतन्त्र फेरि चलायमान हुने संकेत