२६ माघ /अर्थ र व्यापार- काठमाडौं । समग्र पर्यटन पत्रकारहरुको छाता संगठन राष्ट्रिय पर्यटन पत्रकार संघ (नाटोज)को नयाँ कार्यसमिति निर्विरोध रुपमा निर्वा्चित भएको छ । संघको केन्द्रीय कार्यलय कमलादीमा विहिबार सम्पन्न उम्मेद्धार मनोनयन पत्र दर्ताको क्रममा सबै पदमा एक एक जनाको मात्रै उम्मेद्धारी परेको हो । 

गन्तव्य नेपाल गु्रपका शिव अधिकारीको अध्यक्षतामा निर्विरोध निर्वा्चित नयाँ कार्यसमितिको उपाध्यक्षहरुमा प्रदेश नम्बर १ बाट शिखरपोष्ट मिडियाका प्रकाश खालिङ, प्रदेश नम्बर २ बाट राष्ट्रिय समाचार समितिका विकास लोहनी, प्रदेश नम्बर ३ बाट राजधानी दैनिकका मधुजंग पाण्डे, प्रदेश नम्बर ४ बाट रेडियो जननीका विमला भण्डारी, प्रदेश नम्बर ५ बाट रेडियो नेपालका भुषण पोखरेल, प्रदेश नम्बर ६ बाट न्यूज २४ टेलिभिजनका संगम बानियाँ र प्रदेश नम्बर ७ बाट दि राईजिङ नेपाल दैनिकका नारायण उपाध्यय निर्विरोध निर्वा्चित हुनुभएको छ । यसअघि पाँच जना मात्रै उपाध्यक्ष रहेकोमा राज्यको पुनर्संरचनाअनुसार सात प्रदेश स्तरीय संगठनात्मक संरचना बनाउँदै सात जना उपाध्यक्ष बनाइएको हो । 

त्यस्तै महासचिवमा अर्थ र व्यापार साप्ताहिकका नविन काफ्ले, उपमहासचिवमा राससका सिवी अधिकारी, सचिवमा शिखरन्यूज डटकमका सुजन पन्त निर्वा्चित हुनुभएको छ भने कोषाध्यक्षमा मेगा टेलिभिजनका कल्पना महर्जन र सहकोषाध्यक्षमा ईआर्थिक डट कमका तिर्सना गिरी निर्वा्चित हुनुभएको छ । 

नयाँ कार्यसमितिको सदस्यहरुमा चक्रपथ डट कमका कविता अधिकारी, सगरमाथा टेलिभिजनका श्रीकृष्ण सुवेदी, न्यूजसेवा डटकमका विष्णु पोखरेल, अर्थको अर्थ डट कमका शंकर पण्डित, नेपाल समाचारपत्र दैनिकका दिपेन्द्र थापा, इमेज टेलिभिजनका भरत केसी, फोटो पत्रकार जनार्दन अर्याल र जनतापोष्ट डट कमका किरण बुढाथोकी रहनुभएको छ । यस अघि अध्यक्ष पदका लागि चार जनाले दाबेदारी प्रस्तुत गर्दै आएपनि लामो समयको सम्बादपछि नयाँ कार्यसमिति सर्वसम्मत भएको हो । 

उक्त नयाँ कार्यसमितिको औपचारिक घोषणा भने आउँदो माघ २९ गते नेपाल पर्यटन बोर्डमा पूर्व प्रधानमन्त्री पुष्पकमल दाहाल प्रचण्डको प्रमुख आतिथ्यताबीच सम्पन्न हुन लागेको पाँचौ वार्षिक साधारण सभाबाट गरिने नाटोज सचिवालयले जनाएको छ ।