भवानी राणा
अध्यक्ष
नेपाल उद्योग वाणिज्य महासंघ

नेपाल उद्योग बाणिज्य महासंघको वरिष्ठ उपाध्यक्ष रहँदै आएकी भवानी राणाले बुधबार बाट अध्यक्षको कार्यभार सम्हालेकी छन । यसअघि विधान संसोधन गरी वरिष्ठ उपाध्यक्षलाई नै स्वतः अध्यक्ष बनाउने प्रावधान वाटै उनी ५१ औं वार्षिक साधारणसभा बाट अध्यक्ष बनेकी हुन् । यसै सन्दर्भमा अर्थ र व्यापारले राणासंग अध्यक्ष बनेपछीका उनका भावी योजनाहरुका बारेमा कुराकान गरेको छ । प्रस्तुत छ–कुराकानीको सम्पादीत अंश ः

० तपाईं नेपाल उद्योग वाणिज्य महासंघको अध्यक्ष बन्नुभएको छ, अध्यक्ष बनेपछिका आगामी योजनाहरु के–के छन ?

हाल देशबाट दैनिक ठूलो युवा जनशक्ति कामको खोजीमा बाहिर पलायन भइरहेको छ । मैले यस्तो जनशक्तिलाई नेपालमै रोजगार उपलब्ध गराउनुपर्छ भन्ने सोच बनाएकी छु । जसका लागि सात वटै प्रदेशमा इन्स्टिच्युसन खडा गर्ने मेरो अवधारणा छ । यसको लाग विभिन्न राजदुतावासहरुसँग समेत सहकार्य गर्नेछौ । त्यस्तै सातै प्रदेशमा स्मार्ट सीटी बनाउने सरकारको योजनामा साथ दिनेछु । साथै निजी क्षेत्रको लागि आवश्यक नीति निर्माणमा लबिङ गर्ने पनि मेरो योजना छ । अहिले उद्योग वाणिज्य महासंघमा होस् या जुनसुकै मन्त्रालय जहाँ गए पनि उद्योगधन्दाको तथ्यांक व्यवस्थापन राम्रो सँग गरिएको छैन । उद्योग के–कति र कहाँ–कसरी सञ्चालन भएका छन् र तीनको हालको अवस्था के छ भन्ने तथ्यांक सहजै पाइँदैन, मैले अब यो तथ्यांक महासंघमै उपलब्ध हुने व्यवस्था गर्नेछु ।

० देशका उद्यमी महिलाहरुको निम्ति पनि केहि योजना बनाउनुभएको छ कि ?

म अध्यक्ष भएसँगै सबै नेपाली महिलाहरुको म सँग अपेक्षा छ । लोकतन्त्र पछि महिलाको भुमिका बढ्दै गएको छ । अब नेपाली महिलालाई नेतृत्वदायी भुमिकामा पु¥याउने र उनीहरुमा उद्यमशीलताको पनि विकास गर्ने मेरो जिम्मेवारी छ । महिलाहरुमा अझै आत्मबल बढाउन जरुरी छ । यसको उपाय भनेकै उनीहरुमा उद्यमशीलताको विकास गर्ने हो । त्यसैले उद्यमशिलता सम्बन्धी तालिमहरु सञ्चालन गर्ने योजना बनाएको छु ।

० महासंघको निर्वाचनमा दुई फरक–फरक गुट विच चर्को प्रतिस्पर्धा त भयो नै सिंगो महासंघ नै दुई गुटमा विभाजन भएको थियो । अब महासंघ भित्रका गुट–उपगुटलाई कसरी व्यवस्थित गरेर महासंघलाई एक बनाएर अगाडी बढ्नुहुन्छ ?

म महासंघमा गुट र उपगुट छन् भनेर नै विश्वास गर्दिनँ । किशोरजीले पनि मलाई पटक–पटक भन्नु भएको छ, म हजुरलाई सहयोग गर्न तयार छु भनेर । अब भन्नुस् कसरी महासंघमा अब गुट छ भनेर ? 

० नेपालमा वर्षेनी विदेशी लगानी प्रस्ताव त धेरै आउँछ तर वास्तविक लगानी निकै कम भईरहेको छ । नेपालमा विदेशी लगानी भित्र्याउन के–कस्ता पहलहरु गर्नु आवश्यक छ ?

राजनीतिक अवस्थाका कारण नै विदेशी लगानी नेपालमा भित्र्याउन कठिन भएको हो । सरकार परिवर्तन भए पनि आर्थिक एजेन्डा एउटै हुने भए समस्या हुने थिएन । अब चाहिँ सरकारले सबै राजनैतिक दलहरुसँग मिलेर सरकार परिवर्तन भए पनि आर्थिक एजेन्डा फेरबदल नहुने प्रतिबद्धता गराउन सक्नुपर्दछ । लगानी बाहिर बाट आउन नसक्नुमा हामो नीति पनि वाधक बनेको छ । नीति निर्माण समयमै हुनु जरुरी छ । अहिले श्रम ऐन आउन सकेको छैन । यसलाई छिटो ल्याउन जरुरी छ । लगानी मैैत्रि नीति निर्माण हुनुपर्छ । मैले अब विदेशी तथा स्वदेशी लगानीलाई उद्योग क्षेत्रमा आकर्षित गर्न लगानीमैत्री नीति निर्माणका लागि लविङ गर्ने योजना बनाएकी छु ।

० देश भित्रै रोजगारीको अवसर सिर्जना गर्न के–कस्ता योजना बनाउनुभएको छ ?

हाम्रो देशमा सबैभन्दा ठूलो प्लस प्वाइन्ट भनेकै जनशक्ति हो । अरु मुलुकहरुले हाम्रै जनशक्ति उपयोग गरेर फाइदा कमाइरहेका छन् । यसकै लागि सरकारसँग मिलेर युवालाई उद्यमशीलताको तालिम दिने योजना बनाएको छु । यसका लागि नै हामीले सात वटै प्रदेशमा इन्स्टिच्युसन खडा गर्ने तयारी गरेको हुँ ।