शक्तिशाली तुफानले भियतनाम अस्तव्यस्त, ६० जनाको मृत्यु, १५ लाख भन्दाबढी प्रभावित

460 पटक पढिएको

२५ भदौ/अर्थ र व्यापार – भियतनाममा ‘यागी’ नामक शक्तिशाली तुफानले त्यहाँको अनजिवन अस्तव्यस्त भएको छ । सो तुफानबाट ६० जनाभन्दा बढीको मृत्यु भएको छ भने १५ लाख भन्दाबढी मानिसहरु प्रभावित भएका छन् ।
यस तुफानले फुथोक प्रान्तको फोङचाउ पुल भत्किँदा सवारी साधनहरु रेड नदीमा खस्दा कम्तिमा १३ जना बेपत्ता छन् । २४० भन्दा बढी मानिसहरु घाइते छन् । विद्यालयहरु बन्द गरिएको छ ।
तुफानले उत्तरी क्षेत्रको जनजीवन अस्तव्यस्त छ । ठाउँ–ठाउँमा बाढी र पहिरोले सडकहरु अवरुद्ध छन् । घरहरु उजाडिएका छन् । विद्युत आपूर्ति बन्द हुँदा झन्डै १५ लाख भन्दा बढी मानिस प्रभावित भएका छन् । तटीय क्षेत्रबाट करिब ५० हजार जनालाई सुरक्षित स्थानमा सारिएको छ ।
तुफान शक्तिशाली र विनाशकारी भएकाले यसलाई ‘सुपर टाइफुन’ भनिएको छ । ‘सुपर टाइफुन’ शनिबार भियतनामको भूमिमा बज्रिएको थियो । यागी तुफानलाई भियतनाममा तीन दशकपछिको शक्तिशाली भनिएको छ । तुफानको वेग २०३ किलोमिटर प्रतिघण्टाको थियो । यो यस वर्ष एसियामा देखापरेको सबैभन्दा शक्तिशाली तुफान हो ।
यस तुफानले भत्किएको रेड नदी माथिको पुल सबै नदिमा बगेका छन । तुफानले भियतनाममा रेड नदी माथिको पुल भत्काएइदिएको छ । अहिले ३७५ मिटर लामो उक्त पुलको अहिले आधा भाग मात्र देखिन्छ ।
एक भिडियोमा पुलमा गुडिरहेका लरी, कार र स्कुटरहरु नदीमा खसेको देखिन्छ । त्यहाँबाट ती जनाको उद्धार गरिएको र १३ जना हराइरहेको भियतनामका उपप्रधानमन्त्री हो डुच पोचले जानकारी दिएका छन् । तुफानले चीन र फिलिपिन्समा पनि क्षति पुर्याएको अन्तर्राष्ट्रिय सञ्चार माध्यमहरुले जनाएका छन् ।
चीनको हाइनान र गुआङडोङ प्रान्तका बस्ती यागी तुफानबाट बढी प्रभावित भएका छन् । दक्षिणी चीनका सहरहरु यागी तुफानबाट गत बिहीबारदेखि नै प्रभावित भएका थिए । विद्यालय र हवाई उडानहरु बन्द गरिएको थियो । चीनमा तुफानको असर कम भएपछि अहिले पुर्नस्थापनाको काम जारी छ ।
सिन्ह्वा समाचार एजेन्सीका अनुसार यागी दक्षिणी चीन सागर पार गरी पश्चिमी चीनको हाइनान हुँदै शुक्रबार दिउँसो गुआङडोङ पुगेको थियो । चीनको गुआङडोङ प्रान्त हुँदै तुफान भियतनाम प्रवेश गरेको थियो ।

तपाईको प्रतिक्रिया

सम्बन्धित शीर्षकहरु

गुजरात राज्यको अहमदाबादमा भएको विमान दुर्घटनास्थल पुगे भारतीय प्रधानमन्त्री मोदी

नवनियुक्त अमेरिकी राष्ट्रपति ट्रम्पद्धारा युक्रेन युद्ध अन्त्य गर्ने घोषणा, विश्व अर्थतन्त्र फेरि चलायमान हुने संकेत

चीनको सिगात्से दिङ्गेमा भूकम्पका कारण मृत्यु हुनेको संख्या ५३ नाघ्यो, उद्धार कार्य जारी, काठमाडौ लगायत भारतसम्म ठुलो धक्का