घट्दो जनसंख्याको प्रभाव जापानमा ,९० लाख घर खाली

615 पटक पढिएको

२० वैशाख/अर्थ र व्यापार – घट्दो जनसंख्याको प्रत्यक्ष असर अहिले जापानमा देखिएको छ । घट्दो जनसंख्याको मारमा रहेको जापानमा खाली घरहरूको संख्या ९० लाख पुगेको छ ।
सन् २०१८ मा गरिएको सर्वेक्षण भन्दा यसपटक ५ लाख १० हजारबढी घर खाली भएको देखिएको हो । स्थानीय भाषामा ‘आकिया’ भनेर चिनिने खाली घरहरुको संख्या सन् २०२३ को अक्टोबरसम्म ९० लाख भन्दाबढी रहेको त्यहाँको सरकारद्वारा जारी रिपोर्टमा उल्लेख छ। औसत्मा सातवटा घरमा एउटा घर खाली रहेको जापानको आन्तरिक मामिला मन्त्रालयको सर्वेक्षण रिपोर्टमा उल्लेख छ।
खाली घरहरुको यो संख्या जापानमा कूल घर संख्याको करिब १४ प्रतिशत हुने अन्तर्राष्ट्रिय संचारमाध्यमले उल्लेख गरेका छन् । जापानको नोमुरा रिसर्च इन्सटिच्युटले भने सरकारबाट जारी तथ्यांकभन्दा अझ धेरै बढी घरहरु खाली हुन सक्ने जनाएको छ ।
उसले हाल जापानमा करिब १ करोड १० लाख वटा घरहरु खाली भएको हुन सक्ने दाबी गरेको छ।
त्यहाँको सरकारले जानकारी गराए अनुसार सन्तान विदेशमा हुँदा र सन्तान नभएका वृद्धवृद्धाको नाममा रहेका घरहरु खाली भएका हुन् । यसैगरी, केही स्याहारको लागि वृद्धाश्रममा बसेपछि पनि घर खाली भएको सर्वेक्षणमा देखिएको छ ।
सर्वेक्षण गरिएका मध्ये ४४ लाख घरहरु भाडाका लागि उपलब्ध छन् । ३ लाख ३० हजार घर हरुचाहिँ जतिसक्दो छिटो बिक्री गर्ने अवस्थाका लागि राखिएका छन्। जापानमा लाखौं घरहरु बेवारिसे अवस्थामा नै छन् ।
जापानमा खाली जग्गाको बढी कर तिर्नुपर्छ । त्यसैले धेरैले प्राचीन घरहरु छाड्ने गरेको देखिएको छ । विदेशबाट जापान आएकाहरु पुराना घरहरु प्रति आकर्षित देखिएका छन्। जापानका विभिन्न शहरहरुमा धेरैले घर भाडामा लिने गर्छन्। यस्तै, केही घर बिदा मनाउन चाहनेका लागि भाडामा दिने गरिन्छ भने पर्यटकका लागि पनि घर भाडामा दिने गरिन्छ ।
पुरान घर बिक्रीमा भए पनि हजारौं डलर मूल्य पर्नेगर्छ । यस्तै, घर पुनर्निर्माणमा पनि धेरै रकम लाग्ने गर्छ । त्यसैले घर पुनर्निर्माण गर्नुको सट्टा घर खाली नै छाड्ने प्रवृत्ति पनि अत्यधिक बढेको छ।

तपाईको प्रतिक्रिया

सम्बन्धित शीर्षकहरु

गुजरात राज्यको अहमदाबादमा भएको विमान दुर्घटनास्थल पुगे भारतीय प्रधानमन्त्री मोदी

नवनियुक्त अमेरिकी राष्ट्रपति ट्रम्पद्धारा युक्रेन युद्ध अन्त्य गर्ने घोषणा, विश्व अर्थतन्त्र फेरि चलायमान हुने संकेत

चीनको सिगात्से दिङ्गेमा भूकम्पका कारण मृत्यु हुनेको संख्या ५३ नाघ्यो, उद्धार कार्य जारी, काठमाडौ लगायत भारतसम्म ठुलो धक्का

शक्तिशाली तुफानले भियतनाम अस्तव्यस्त, ६० जनाको मृत्यु, १५ लाख भन्दाबढी प्रभावित

बंगलादेशकी प्रधानमन्त्री शेख हसिनाले देश छाडिन् ,अन्तरिम सरकार गठन गर्ने सेनाप्रमुखको घोषणा

वर्षाले दिल्लीको अन्तर्राष्ट्रिय विमानस्थलको छत भत्कियो, एक जनाको मृत्यु , दर्जनौं घाइते

ब्राजिलमा बाढीको बितन्डा ,७५ जनाको मृत्यु, ८८ हजार जना घरबारविहीन

क्यानडाबारे बुझेर मात्र जान नेपाली विद्यार्थीलाई दूतावासको आग्रह