रोकिएन सेयर बजार घट्नेक्रम, नेप्से ६.५५ अंकले घटेर २७१९.७७ विन्दुमा

90 पटक पढिएको

१९ भदौ/अर्थ र व्यापार – यस साताको अन्तिम कारोबार दिन बिहीबार पनि सेयर बजार घट्नेक्रम रोकिएन । यस दिन सेयरबजार परिसूचक नेप्से ६.५५ अंकले घटेर २७ सय १९ दशमलब ७७ विन्दुमा झरेको छ ।
यसदिन म्युचुअल फण्ड र ट्रेडिङ बाहेकका उपसमूहले बजार घटाएका हुन् । १ सय ६५ वटा कम्पनीको सेयरमूल्य घटेको छ । ८५ वटा कम्पनीको सेयरमूल्य बढेको छ । एउटा कम्पनीको स्थित रहेको छ ।
बराही हाइड्रोपावरको सेयरमूल्य सबैभन्दा धेरै ३ दशमलब ८३ प्रतिशतले घटेको छ । ८५ कम्पनीका लगानीकर्ताले कमाएका छन् । हिमस्टार ऊर्जा कम्पनीको सेयर मूल्यमा पोजेटिभ सर्किट लागेको छ । यसदिन ५ अर्ब १४ करोड ४३ लाख रुपैयाँको सेयर कारोबार भएको छ ।
बिहीबार बैंकिङ उपसमूहको ०.३१, विकास बैंक ०.३८, फाइनान्स ०.३७, होटल तथा पर्यटन ०.६५, लगानी ०.३१, जीवन बीमा ०.३९, माइक्रोफाइनान्स ०.१५, उत्पादन तथा प्रशोधन ०.१९, निर्जीवन बीमा ०.१०, तथा अन्य समूह ०.५० प्रतिशतले घटेको छ ।
व्यापार उपसमुहको ०.५८ प्रतिशतले बढ्यो । हिमस्टार ऊर्जा कम्पनीको मूल्य सबैभन्दा धेरै १० प्रतिशत बढ्यो । त्यस्तै विन्ध्यबासिनी हाइड्रोपावरको ६.०७, माथिल्लो मैलुङखोला जलविद्युत्को ६.०५, उपकार लघुवित्तको ५.०९ प्रतिशत मूल्य बढेको छ । बाराही हाइड्रोपावरको मूल्य ३.८३, पिपुल्स पावरको ३.४५, दिव्यश्वरी हाइड्रोपावरको ३.४५ तथा ग्रिन डेभलपमेन्ट बैंकको ३.३० प्रतिशतले घटेको छ ।
यसदिन नेपाल पुनर्बीमा, विन्ध्यबासिनी हाइड्रोपावर, हिमालयन रिइन्स्योरेन्स, युनियन हाइड्रोपावर र हिमालयन डिस्टिलरी क्रमशः अगाडि रहेको छ ।

तपाईको प्रतिक्रिया

सम्बन्धित शीर्षकहरु

सेयर बजारमा पहिरो, नेप्से ३५.९९ अंकले घट्यो