सामान्य अंकले बढ्यो सेयर बजार, कारोबार घट्यो

203 पटक पढिएको

१० भदौ/अर्थ र व्यापार – यस साताको तेस्रो कारोबार दिन मंगलबार सेयर बजार परिसूचक नेप्से ४ दशमलब ८३ अंक बढेको छ । यस वृद्धिपछि नेप्से २७ सय ६६ विन्दुमा पुगेको छ । अघिल्लो दिन पनि नेप्से २१ अंकले बढेको थियो ।
यसदिन बजार बढे पनि कारोबार रकम अघिल्लो दिनको भन्दा डेढ अर्ब बढीले घटेको छ । अघिल्लो दिन ५ अर्ब ७५ करोडको कारोबार भएकोमा मंगलबार ४ अर्ब १८ करोड रूपैयाँको सेयर कारोबार भएको छ ।
बजार बढे पनि धेरैजसो कम्पनीको सेयर मूल्य घटेको छ । १ सय १ कम्पनीको मूल्य बढ्दा १ सय ४९ वटा कम्पनीको सेयरमूल्य घटेको छ । एउटाको स्थिर रहेको छ । अधिकांश समूहका सूचक बढेका छन् । अन्य समूह सबैभन्दा धेरै १.४२ प्रतिशत बढ्यो ।
अरु सबै समूहका सूचकको उतारचढाव १ प्रतिशतमुनि रह्यो । बैंकिङ ०.१४, विकास बैंक ०.९६, फाइनान्स ०.१२ होटल तथा पर्यटन ०.१७, हाइड्रोपावर ०.०७, जीवन बीमा ०.०६ र व्यापार समूह ०.११ प्रतिशत बढे ।
उत्पादन तथा प्रशोधन ०.६८, माइक्रोफाइनान्स ०.४८, लगानी ०.१० तथा निर्जीवन बीमा ०.१० प्रतिशत घटे । विकास हाइड्रोपावरको मूल्य सबैभन्दा धेरै १० प्रतिशत बढ्यो । हालै दोस्रो बजारमा आएको यो कम्पनीको मूल्य प्रतिकित्ता ४ सय ७० रुपैयाँ पुगेको छ ।
त्यस्तै नेपाल रिपब्लिक मिडियाको ८.६१, नारायणी डेभलपमेन्ट बैंकको ७.२८, सीवाईसी लघुवित्तको ४.५३ प्रतिशतले बढेको । नाडेप लघुवित्तको सबैभन्दा धेरे २.९९ प्रतिशत मूल्य घट्यो । धेरै कारोबार भएका कम्पनीमा नेपाल रिइन्स्योरेन्स, हिमालयन रिइन्स्योरेन्स, एनआरएन इन्फ्रास्ट्रक्चर, हिमालयन डिस्टिलरी र बुटवल पावर छन् ।

तपाईको प्रतिक्रिया

सम्बन्धित शीर्षकहरु

सेयर बजारमा पहिरो, नेप्से ३५.९९ अंकले घट्यो

रोकिएन सेयर बजार घट्नेक्रम, नेप्से ६.५५ अंकले घटेर २७१९.७७ विन्दुमा

सेयर बजारमा पहिरो, नेप्से ३८.१० अंकले घट्यो