२८ कात्तिक/अर्थ र व्यापार – यो साताको चौथो कारोबार दिन बुधबार सेयर बजारको परिसूचक नेप्से १४ दशमलव १२ अंकले घटेको छ । सो अंकको गिरावटपछि पेन्से २७ सय ३४ विन्दुमा आइपुगेको छ ।
यसदिन सेयर बजार घटेपनि कारोबार रकम भने अघिल्लो दिनको तुलनामा केही बढेको छ । अघिल्लो दिन ७ अर्ब ८५ करोडको कारोबार भएको थियो । मंगलबार कुल ७ अर्ब ९१ करोडको सेयर कारोबार भएको थियो ।
यसदिन ९९ वटा कम्पनीको मूल्य बढ्दा १ सय ३८ वटाको घट्यो भने ७ वटाको स्थिर रह्यो । मंगलबार फाइनान्समा लगानीकर्ताको आकर्षण देखिएको छ । समग्र बजार घट्दा पनि फाइनान्स उपसमुहको ४ दशमलब २ प्रतिशतले सेयर मुल्य बढेको छ । यसैगरी, विकास बैंक उपसमुहको सेयर मुल्य १ दशमलब ४७ प्रतिशत र हाइड्रोपावर सूचक सुन्य दशमलब ८१ प्रतिशतले बढेको छ ।
सप्तकोशी विकास बैंक, सिर्जनशील लघुवित्त, मकर जितुमाया सुरी हाइड्रोपावर, पोखरा फाइनान्स र समृद्धि फाइनान्सको मूल्य १० प्रतिशत बढ्ेको छ । रावा इनर्जीको ९.९१, बलेफी हाइड्रोपावरको ९.८८, सपोर्ट माइक्रोफाइनान्सको ९.१५ प्रतिशतले सेयर मूल्य बढेको छ ।

बैंकिङ उपसमुहको १ दशमलब ३७ प्रतिशत , होटल तथा पर्यटन उपसमुहको सुन्य दशमलब ०६ प्रतिशत , लगानी उपसमुहको १ दशमलब ११ प्रतिशत , जीवन बीमा उपसमुहको १ दशमलब १९ प्रतिशत , उत्पादन क्षेत्र उपसमुहको सुन्य दशमलब ९६ प्रतिशत, माइक्रोफाइनान्स उपसमुहको सुन्य दशमलब ३७ प्रतिशत , निर्जीवन बीमा उपसमुहको १ दशमलब २३ प्रतिशत, अन्य समुहको सुन्य दशमलब ८३ प्रतिशत र व्यापार समूहको १ दशमलब ६१ प्रतिशतले घटेका छन् ।
कुथेली बुकरी स्मल हाइड्रोपावरको १० प्रतिशत मूल्य घट्यो । समाज लघुवित्तको ४.९३, एनएलजी इन्स्योरेन्सको ४.०४ तथा बुटवल पावरको मूल्य ३.६३ प्रतिशत घट्यो । यसदिन कारोबार रकमका आधारमा जानाकी फाइनान्स, पोखरा फाइनान्स, सप्तकोशी विकास बैंक, समृद्धि फाइनान्स र पिपुल्स हाइड्रोपावर क्रमशः अगाडि रहेका छन् ।
पछिल्लो लगातार दोस्रो दिन पनि घटेको सेयर बजारलाई ९ वटा उपसमूहले घटाएको हो । यसदिन सेयर बजारमा १ सय ३८ वटा कम्पनीका लगानीकर्ताले गुमाएका छन भने ९९ वटा कम्पनीका लगानीकर्ताले कमाएका छन् । ५ वटा कम्पनीको सेयर मूल्यमा १० प्रतिशतको पोजेटिभ सर्किट लागेको छ ।