२३ फागुन/अर्थ र व्यापार – बुधबार तिब्र उतारचढापकाबीच नेप्से परिसूचक ९.३३ अंकले बढ्यो । नेपाल स्टक एक्सचेञ्जका अनुसार बुधबार सेयर बजार सूचक नेप्से परिसूचकमा सामान्य अंकको वृद्धि देखिएको हो ।
यसअघि गत सोमबार लगातार तिनपटकसम्म सकारात्मक सर्किट लागेर बन्द भएको र मंगलबार उच्च अंकको गिरावटपछि बुधबार सेयर बजार विस्तारै सम्हालिएको हो । बुधबार नेप्से परिसूचक ९.३३ अंकले बढेर दुईहजार १७.०३ अंकमा पुगेको थियो ।
बुधबार विभिन्न तीनसय आठ कम्पनीका ९१ लाख ३८ हजार एकसय ५४ कित्ता सेयर ५८ हजार ९ सय ४० पटक खरिदबिक्री हुँदा तीन अर्ब ४५ करोड ८ लाख ३८ हजार तीन सय ५७ रुपैयाँको कारोबार भएको थियो ।
यस दिनको कारोबारमा बैंकिङ, जीवन बीमा र म्यूचुअल फण्डबाहेकका समूहको उपसूचक बढेको थियो । डोल्टी पावर कम्पनी लिमिटेडको सेयर मूल्यमा सकारात्मक सर्किट लागेको छ भने स्वरोगजार लघुवित्त वित्त विकास बैंकको ८ दशमलव ७०, जोशी हाइड्रोपावर डेभलपमेन्ट कम्पनीको ८ दशमलव ६७, गुर्खाज फाइनान्सको ८ दशमलव ०९ र सीवाईसी नेपाल लघुवित्त वित्तीय संस्थाको सेयर मूल्य ८ प्रतिशतले बढेको छ ।

धेरै गुमाउनेमा मोलुङ हाइड्रोपावर कम्पनी ९ दशमलव ७१ र ग्लोबल आईएमई ब्यालेन्स फण्ड–१ को शेयर मूल्य पाँच दशमलव ५४ प्रतिशतले घटेको थियो ।
कारोबार रकम र कारोबार भएका सेयर संख्याका आधारमा सोनापुर मिनरल्स एण्ड आयल लिमिटेडको ३३ करोड ३७ लाख ७८ हजार आठसय सात बराबरको ६ लाख ५७ हजार सातसय ३९ कित्ता सेयर कारोबार भएको थियो ।
बुधबार १७५ कम्पनीको मूल्य बढ्दा ६२ को घटेको थियो भने ११ को स्थिर रहेका थिए । फाइनान्स समूहको सूचक सबैभन्दा धेरै १.६८ प्रतिशत बढेको थियो । बैंकिङ र जीवन बीमा समूह झिनो अंकले क्रमशः १.१ र २.५ले झरेको थियो ।
विकास बैंक ५.१८, फाइनान्स ३०, होटल तथा पर्यटन ४४, हाइड्रोपावर २३, उत्पादन ५४, माइक्रोफाइनान्स २५, निर्जीवन बीमा २९, अन्य १९ र ब्यापार समूह ३६ अंक बढेका थिए । दोल्ती हाइड्रोपावरको मूल्य सबैभन्दा धेरै १० प्रतिशत बढेका थिए । स्वरोजगार लघुवित्त, जोशी हाइड्रोपावरको मूल्य ८.७ प्रतिशत बढेको थियो ।
गोर्खाज फाइनान्स र सीवाईसी लघुवित्तको मूल्य ८ प्रतिशत बढ्यो । मोलुङ हाइड्रोपावरको ९.७, गुराँस लघुवित्तको ४.५, बीपीडब्लू लघुवित्तको ३, समता लघुवित्तको २.८ प्रतिशत मूल्य घट्यो । कारोबार रकमका आधारमा सोनापुर सिमेन्ट, शिवम् सिमेन्ट, हिमालयन रिइन्स्योरेन्स, घोराही सिमेन्ट र एनआरएन इन्फ्रास्ट्रक्चर क्रमशः अगाडि रहेका थिए ।