१७ पुस/अर्थ र व्यापार– साताको तेस्रो कारोबार दिन मंगलबार पनि सेयर बजार दोहोरो अंकले घटेको छ । नेपाल स्टक एक्सचेन्ज (नेप्से) सूचक मंगलबार ३०.०५ अंकले घटेर २०३०.१० बिन्दुमा झरेको हो । अघिल्लो कारोबार दिन सोमबार पनि सेयर बजार घटेको थियो । सोमबार सेयर बजार ८.७५ अंकले घटेको थियो ।
सोमबारको तुलनमा मंगलबार कारोबार रकममा पनि गिरावट आएको छ । नेप्सेका अनुसार मंगलबार ४ अर्ब ४ करोड ४६ लाख ५९ हजार रुपैयाँ बराबरको सेयर कारोबार भएको छ । मंगलबार ४ अर्ब ४८ करोड ३९ लाख ८२ हजार रुपैयाँ बराबरको भएको थियो ।
मंगलबार ३ सय ५ कम्पनीको १ करोड ११ लाख ८५ हजार ७ सय १२ हजार कित्ता सेयर ८५ हजार ४ सय ५३ पटक किनबेच भएको छ । कारोबारमा आएको ३७ कम्पनीको मात्र सेयर मूल्य बढेको छ । २ सय ५ कम्पनीको सेयर मूल्य घटेको छ । बाँकी ३ कम्पनीको सेयर मूलय यथावत रहेको छ ।
मंगलबार १६ करोड ११ लाख रुपैयाँभन्दा बढीसहित कारोबार रकममा शिवम् सिमेन्ट्स अग्रस्थानमा आएको छ । यसैगरी, दोस्रो र तेस्रो स्थानमा क्रमशः हाथवे इन्भेष्टमेन्ट र सिटिजन लाइफ इन्सुरेन्स परेका छन् ।
अहिले लगातार छैटौं कारोबार दिन सेयर बजार झरेको छ । गत ५ पुस र सोयता कारोबार भएका सबै दिन ८, ११, १२, १६ र १७ गते मंगलबार बजार घटेको हो । मंगलबार ३० अंकले नेप्से घटेर २०३० अंकमा कायम भएको हो ।
दिनभर ४ अर्ब ४ करोड रुपैयाँको कारोबार भयो । अघिल्लो दिन ४ अर्ब ४८ करोडको कारोबार भएको थियो । कुल ३७ कम्पनीको मूल्य बढ्दा २०५ को घट्यो भने ३ को स्थिर रहयो । सबै समूहका सूचक घटेका छन् ।
यसदिन होटल तथा पर्यटन समूह सबैभन्दा धेरै ३.२ प्रतिशत घट्यो । बैंकिङ १.१, विकास बैंक १.३, फाइनान्स १.३, हाइड्रोपावर १.३, जीवन बीमा २.९, उत्पादन १.२, माइक्रोफाइनान्स १.३, निर्जीवन बीमा २.७, अन्य ०.६ र ब्यापार उपसमूह १ प्रतिशत घटे ।

समग्र बजार घट्दा पनि चिरख्वा हाइड्रोपावर, मुक्तिनाथ कृषि कम्पनी, नेपाल वेयरहाउजिङ कम्पनी र लक्ष्मी लघुवित्तको मूल्य १० प्रतिशत बढ्यो ।
हिमालयन हाइड्रोपावरको १०, सिटिजन लाइफ इन्स्योरेन्सको ७, दोर्दी हाइड्रोपावरको ६.५, अपरहेवाखोलाको मूल्य ५.५ प्रतिशत घट्यो ।कारोबार रकमका आधारमा शिवम् सिमेन्ट, हाथवे इन्भेस्टमेन्ट कम्पनी, सिटिजन लाइफ इन्स्योरेन्स कम्पनी, सोनापुर सिमेन्ट र एनआरएन इन्फ्रास्ट्रक्चर कम्पनी क्रमशः अगाडि रहे ।