१ असार/अर्थ र व्यापार – नयाँ स्टक ब्रोकर एसोसिएसनका अध्यक्ष सागर ढकालको नेतृत्वमा गएको प्रतिनिधीले अर्थ समितिले नयाँ ब्रोकर लाईसेन्स रोक्न दिएको निर्देशन खारेज गर्न माग गर्दै नेपाल स्टक एक्चेन्ज (नेप्से) का प्रमुख कार्यकारी अधिकृत कृष्णबहादुर कार्कीलाई ज्ञापनपत्र बुझाएको छ ।

एसोसिएसनले शुक्रबार नेप्सेका प्रमुख कार्यकारी अधिकृत (सिइओ) कार्कीलाई भेटेर ज्ञापनपत्र बुझाएको हो । एसोसियसनले नयाँ धितोपत्र दलाल व्यवसायी तथा व्यापारिको लाईसेन्स सम्वन्धमा विभिन्न १६ बुँदे ज्ञापनपत्र बुझाएको छ ।

एसोसियसनले बुझाएको ज्ञापनपत्रमा अर्थसमितिले सर्वोच्च अदालतको निणर्य र संसविधानको धारा १२८ लाई उल्लगन गरेको उल्लेख गर्दै ज्ञापनपत्रमा नेपालको पूँजिबजारमा भएको ठुलो प्रगतिलाई रोक्ने गरिएको पूर्वाग्रहपूर्ण निर्देशनलाई खारेज गर्नकालागि आफ्नो तर्फबाट आवस्यक पहल कदमी तथा सहजीकरण गर्न अनुरोध गरिएको छ ।

यसैगरि, अर्थसमितिले पूँजिबारमा सिमित व्यवसायीको सिण्डीकेटको निरन्तरता र बजारमा एकाधिकारको अवस्थालाई निरन्तरता दिने ढंगबाट जारि भएको यस्तो निर्देशनले पूनः एकपटक देसमा पूँजिबजारको विकास र विस्तारमा अवरोध सृर्जना गरेकोले नेपाल धितोपत्र बोर्डबाट इजाजतपत्र प्राप्त गरेर सदस्यता तथा कारोबार व्यवस्थापन प्रणाली जडानकालागि आएका र आउने नयाँ धितोपत्र दलाल व्यवसायीको प्रक्रिया तथा कारोबार व्यवस्थापन प्रणाली जडानको कार्यलाई जतिसक्दो छिटो सूचारु गर्न अनुरोध गरिएको छ ।

त्यसैगरि, एसोसियसनले नेपाल धितोपत्र बोर्डमा पनि निवेदन दर्ता गराएको छ । नेप्सेले ब्रोकर लाइसेन्स प्रक्रिया रोकेको भन्दै सो प्रक्रिया नरोक्न निर्देशन दिनुपर्ने माग उनीहरुले बोर्डमा गरेका छन ।
लामो समयसम्म स्टक ब्रोकरको क्षेत्रमा पुरानै व्यवसायीको हालिमुहाली तथा रजाइँ हुने र नयाँ लगानीकर्ता छिर्न नपाउने गरी सिण्डिकेट हुनु राम्रो नभएको सम्बन्धीत ब्रोकर तथा सरोकारवालाहरुको भनाई छ ।
अर्थ समितिले गत सोमबार धितोपत्र दलाल तथा धितोपत्र व्यापारीको अनुमति प्रदान गरिएको सम्बन्धमा न्यूनतम् मापदण्ड पुरा गरे नगरेको विषयमा समितिले छानबिन गरी निष्कर्षमा नपुगेसम्म इजाजत सम्बन्धी सम्पूर्ण प्रक्रिया तत्काल स्थगन गर्न निर्देशन दिएको थियो ।