९ असार/अर्थ र व्यापार – सेयर बजारमा पहिरो गएको छ । बिहीबार नेपाल स्टक एक्सचेन्ज (नेप्से) परिसुचक ४५.२५ अंकले ओरालो लागेर पहिरो गएको हो ।
बिहीबार बिहान कारोबार समयदेखि नै ओरालो लाग्न सुरु गरेको नेप्से परिसुचक कारोबारको अन्तिम समयमा उच्च अंकले घटेको छ । बिहीबार दिनभर २ सय ३७ कम्पनीका ५० लाख ८ हजार कित्ता सेयर किनबेच हुँदा कारोबार रकम १ अर्ब ४९ करोड ९७ लाख ९ हजार रुपैयाँ पुगेको हो ।
बिहीबार समुहगत सुचक हेर्दा सबै समुहका परिसुचक ओरालो लागेपनि सबैभन्दा बढी गिरावट भने निर्जीवन र जीवन बीमा समुहको परिसुचकमा देखिन्छ । आज जीवन बीमा समुहको परिसुचक १४३ अंकले घट्दा निर्जीवन बीमा समुहको परिसुचक २१८ अंकले ओरालो लागेको छ ।
यसैगरि, आज जलविद्युत समुहको परिसुचक ८६, वित्त ४७, विकास बैंक ११९ र लघुवित्त १०९ अंकले घट्दा बजारमा सबैभन्दा बढी प्रभुत्व भएको बैंकिङ समुहको परिसुचक २१ अंकले ओरालो लागेको छ । आज बजार राताम्य भएपनि आँधीखोला लघुवित्त वित्तीय संस्था र सिवाईसी नेपाल लघुवित्तको सेयरमूल्यमा सकारात्मक सर्किट लागेको छ ।
केही दिन अघि एक दिनको वृद्धिपछि सेयर बजारले लगत्तै पछ्याउने गरेको गिरावट बिहीबारको कारोबारमा झन बढी गिरावट देखिएको हो । नेप्से परिसूचक यसरी भारि अंकको गिरावट लिँदै ओर्लिएपछि लगानीकर्ता थप घाटा बेहोर्नुभन्दा भएको बेच्दै उम्किने दाउमा लागेका छन । अहिले लगानीकर्ताबीच जतिसक्दो छिटो थप घाटाबाट बच्न धमाधम आफ्नो सेयर बिक्री गर्न लागिरहेको देखिएको छ । एकैदिन यतिधेरै गिरावट आएपछि अहिले लगानीकर्ता निकै अतालिएका छन ।
हिजो बुधबारको गिरावटलाई पनि मध्यनजर गर्ने हो भने ७६ अंकको संकुचन पछिल्लो दुई कारोबारमा देखिन्छ । तीन दिनदेखि लगातार घटेको सेयर बजारले मंगलबार भने करिब ४० अंकको छलाङ लिएको थियो । तर, खुलेको अर्को दिन मै सेयर बजारले वृद्धिको शतप्रतिशत अंश गुमाएको छ । सोहि गिरावट बिहिबारको बजारले पछ्याएको हो ।
आज तीन वर्षपछि कारोबार सुचारु भएको आँधीखोला लघुवित्तका लगानीकर्ता सर्वाधिक कमाउने मध्येमा परेका छन । लघुवित्तको सेयर मूल्यमा सकारात्मक सर्किट लाग्यो। पछिल्लो आठ कारोबार दिन देखि प्रमुख सेयर बजार घट्दा समेत लघुवित्तको सेयर मूल्यमा सकारात्मक सर्किट लागेको छ ।
बिहिबार सकारात्मक सर्किट लागेको सीवाईसी लघुवित्तका सेयर लगानीकर्ता पनि हुन् । शिवश्री हाइड्रोको सेयर मूल्य भने झन्डै नकारात्मक सर्किटका साथ घटेको छ । बिहिबार सर्वाधिक गुमाएका पनि शिवश्री हाइड्रो कै लगानीकर्ता हुन् । लिबर्टी इनर्जीको सेयर मूल्य पनि झन्डै साढे ९ प्रतिशत घटेको छ ।