नुवाकोटमा काँग्रेसको खानदानी राजनीति समाप्त
२४ मङ्सिर / अर्थ र व्यापार - काठमाडौँ – नुवाकोटमा आफ्नो पकड क्षेत्र बनाएर बसेको नेपाली काँग्रेसले यसपाली भने आफ्नो विरासत जोगाउन सकेन । पछिल्लो समय नेकपा माओवादी केन्द्र र एमालेले तालमेल गरेपछि काँग्रेसले आफ्नो बिउ समेत जोगाउन नसकेको हो । २०६४ सालमा तत्कालीन क्षेत्र नम्बर २ मा नेपाली काँग्रेसका रामशरण महतले नेकपा माओवादीका हितबहादुर तामाङलाई हराउँदै काँग्रेसको साख बचाएका थिए । यसपाली भने उनलाई जनताले पत्याएनन् । ०६४ मा क्षेत्र नम्बर १ मा काँग्रेसका अर्जुन नरसिंह केसीलाई हराउँदै माओवादीकी विमला सुवेदीले जित हासिल गरेकी थिइन् भने दुईमा माओवादी कै पोष्टबहादुर बोगटी विजयी भएका थिए । त्यसैगरी २०७० सालमा भएको दोश्रो संविधानसभाको चुनावमा भने तीनै क्षेत्रमा जित हासिल गर्दै काँग्रेसले नुवाकोटमा आफ्नो प्रभुत्व जमाएको थियो । ०७० मा क्षेत्र नम्बर १मा केसी, २ मा महत र ३ मा बहादुर लामाले नुवाकोटलाई काँग्रेस किल्लाको रुपमा स्थापित गरेका थिए ।
यसपालीको निर्वाचनमा भने काँग्रेसका हेभीवेट नेताद्वय महत र केसीले आफ्नो पराजयलाई मुटुमाथि ढुंगाराखी भएपनि स्वीकार गर्नुपरेको छ । विगत लामो समयदेखि आफ्नो प्रभुत्व जमाउँदै आएका महतलाई उनैले दुई पटक पराजित गरेको माओवादी केन्द्रका हितबहादुर तामाङले ८,५५३ मतान्तरले हराउँदै उनको विरासत ढालिदिए । तामाङले ३६४७३ मत ल्याउँदा महतले २७९२० मै चित्त बुझाउनु र्पयो। त्यस्तै प्रदेशसभामा पनि उनका खानदानका कोही पनि विजयी हुन सकेनन् ।
केसी परिवारले पनि यसपाली भने आफ्नो विरासत जोगाउन सकेन । केसीले यसपाली भने एमालेका नारायण खतिवडासँग १०,५५७ मतान्तरसहितको हार व्यहोरे। खतिवडाले ३६८९२ मत प्राप्त गर्दा केसीले २६३३५ मतमै चित्त बुझाउनु र्पयो। त्यस्तै प्रदेशमा उनका भाई जगदिश नरसिंह केसीले पनि गह्रौ मुटु बनाउँदै हार स्वीकार्नु र्पयो । यो सँगै नुवाकोटका सम्पूर्ण क्षेत्रमा वाम गठबन्धनले आफ्नो प्रभुत्व जमाएको छ भने केसी र महत परिवार केन्द्रित नुवाकोट काँग्रेसको खानदानी राजनीति समाप्त भएको छ ।
सम्बन्धित शीर्षकहरु
मुख्य खबर
महासंघको केन्द्रिय सदस्यमा सागर ढकालको उम्मेदवारी घोषणा
नेपाल उद्योग वाणिज्य महासंघको आसन्न निर्वाचनमा स्टक ब्रोकर एसोसिएसनका अध्यक्ष सागर ढकालले वस्तुगत तर्फबाट केन्द्रीय सदस्यमा उम्मेदवारी घोषणा गरेका छन् । अध्यक्ष ढकालले महासंघको वस्तुगत
भोली हुने निर्वाचनको सम्पूर्ण तयारी पूरा, निर्धक्क भएर मतदान गर्न आयोगको अपिल
निर्वाचन आयोगले भोली विहानैबाट सुरु हुने प्रतिनिधिसभा सदस्य निर्वाचनको सम्पूर्ण तयारी पूरा भएको जनाएको छ ।
निजी क्षेत्र अहिलेको जस्तो न्यून मनोबलको स्थितिमा पहिला कहिले पनि थिएन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रको संरक्षण र सुरक्षामा सरकारले काम गर्न नसकेको भन्दै असन्तुष्टि व्यक्त गरेका छन् । नेपाल उद्योग वाणिज्य महासंघले बुधबार आयोजना
सुरक्षाको प्रत्याभुति गर्न नपाएको निजी क्षेत्रको भनाई
निजी क्षेत्रका अगुवाहरुले सुरक्षाको प्रत्याभुति गर्न नपाएको गुनासो गरेका छन् । बैंक तथा वित्तीय संस्था परिसंघ नेपाल (सिबिफिन) को वार्षिक साधारणसभामा बोल्दै उनीहरुले जेनजी आन्दोलनबाट त्रसित निजी क्षेत्रलाई
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया