अर्थशास्त्री स्वर्णिम वाग्लेले सामाजिक संजाल मार्फत गरे कांग्रेसबाट आफु अलग भएको घोषणा

1402 पटक पढिएको

१६ चैत/अर्थ र व्यापार – अर्थशास्त्री स्वर्णिम वाग्लेले सामाजिक संजाल मार्फत आफुले नेपाली कांग्रेस छाडेको घोषणा गरेका छन् । बिहीबार अपराह्न सामाजिक सञ्जाल मार्फत वाग्लेले आफुले नेपाली कांग्रेस पार्टी छाडेको औपचारिक घोषणा गरेका हुन् ।

अब उनी राष्ट्रिय स्वतन्त्र पार्टीको तर्फबाट तनहुँको १ नम्बर निर्वाचन क्षेत्रबाट उप निर्वाचन उठ्ने भएका छन ।
यस्तो छ वाग्लेको घोषणा
वि.सं २०४२ सालको ‘सत्याग्रह’ र २०४६ को जनआन्दोलन देखिको मेरो संलग्नता एवं ५० वर्षदेखिको पारिवारिक विरासत गाँसिएको नेपाली काँग्रेस पार्टीबाट अलग हुने निर्णय गरेको छु ।
त्यस पार्टीभित्र ३० वर्षदेखि परोक्ष र गत १० वर्षदेखि प्रत्यक्ष रुपमा आर्थिक नीति र योजना, बौद्धिक–सैद्धान्तिक विमर्श र प्रशिक्षण एवं अन्तर्राष्ट्रिय वैधताको विस्तारमा उल्लेख्य योगदान गरें ।
विशेषतः योजना आयोगमा सुशील कोइराला र शेरबहादुर देउवा दुबैले दिनुभएका जिम्मेवारी कौशलका साथ सम्पन्न गरेर मुलुकको मान राख्न सकेकोमा गर्व छ ।
तर, पछिल्ला वर्षहरुमा काँग्रेस पार्टीभित्रका गतिविधिहरु नियालेका प्रत्येक स्वाभिमानी कांग्रेसजनको शीर निहुरिने अवस्था आएको छ । जननायक बिपी कोइराला, गणेशमान सिंह, सुवर्ण शमशेर र किशुनजीको ऐतिहासिक दल अहिले दाई–भाउजु–साला–भतिजको अक्षम गिरोहमा परिणत हुने क्रममा छ ।
अब कांग्रेस–कम्युनिष्टका असल मानिसहरु, दलमा आबद्ध नभएका स्वतन्त्रता र समुन्नतिका हिमायती, कुलीन राजनीतिको परिधिभन्दा बाहिर रहेका, एवं विदेशमा बसेपनि नेपालको भलो चिताउने नेपालीहरु मिलेर बलियो वैकल्पिक लोकतान्त्रिक शक्तिको निर्माण गर्नुपर्छ ।
सुशासनको जगमा स्वच्छ लोकतन्त्र र आर्थिक उन्नतिको एजेण्डा बोक्दै २०८० को शुरुवातसँगै नयाँ सार्वजनिक भूमिकामा सक्रिय हुनेछु। आम नैराश्य चिरेर ‘यो देश बन्छ’ भन्ने आशा जगाउने हो, बनाउने नै हो। जय नेपाल ।

तपाईको प्रतिक्रिया

सम्बन्धित शीर्षकहरु

आर्थिक गतिविधि बढाउन ‘डिजिटल प्लेटफर्म’मैत्री नीति आवश्यक: पूर्व प्रधानमन्त्री देउवा

कांग्रेस महासमिति बैठकमा वडाध्यक्षदेखि सभापतिसम्मको सम्पत्ति सार्वजनिक गर्न धनराजको प्रस्ताव

विकास आयोजना समयमा सम्पन्न गराउन ढंग पुगेन:कांग्रेसका महामन्त्री गगन थापा