८चैत/अर्थ र व्यापार – बिभिन्न दल परित्याग गरि सोमबार हजारौको संख्यामा जनता समाजबादी पार्टी नेपालमा नेता कार्यकर्ताहरु प्रवेश गरेका छन । पर्सा जिल्लाको पोखरिया नगरपालिकामा जनता समाजबादी पार्टी पर्सा क्षेत्र नम्बर–३ द्वारा आयोजित आम सभा तथा बृहत पार्टी प्रवेश कार्यक्रममा नेपाली काँग्रेस, एमाले, माओबादी, लोसपा लगायतका अन्य पार्टी परित्याग गरि हजारौको संख्यामा नेता कार्यकर्ताहरु जसपा नेपालमा प्रवेश गरेका हुन ।
सो कार्यक्रममा पोखरियाका चर्चित नेता राजु साह तेलीसहित उनको नेतृत्वमा हजारौंकोे संख्यामा नेता कार्यकर्ताहरु जसपामा प्रवेश गरेका थिए । यसैगरि, पकहा मैनपुर गाउँपालिकाबाट पनि सयौंको संख्यामा नेता कार्यकर्ताहरु जसपामा प्रवेश गरेका थिए ।
नव प्रवेशीहरुलाई जसपाका राष्ट्रिय अध्यक्ष उपेन्द्र यादवले माला र टिका लगाएर आफ्नो पार्टीमा स्वागत गरेका थिए । पार्टी प्रवेश कार्यक्रममा पर्साको बिभिन्न पालिकाहरुबाट नेता कार्यकर्ताहरु जसपामा प्रवेश गर्नकालागि कार्यक्रम स्थलमा पुगेका थिए ।
जसपा पर्सा क्षेत्र नम्बर ३ का क्षेत्रिय अध्यक्ष नागेन्द्र यादवको अध्यक्षतामा सम्पन्न भएको आम सभा तथा पार्टी प्रवेश कार्यक्रममा पर्सा क्षेत्र नम्बर–३ का संघीय सांसद हरिनारायण रौनियार,मधेस प्रदेशका मुख्यमन्त्री लालबाबु राउत गदी,प्रदेश सांसद मन्जुर अन्सारी,सखुवा प्रसौनी गाउँपालिकाका अध्यक्ष एवं जसपा नेता प्रदिप जैसवाल,पोखरिया नगरपालिकाकी उपप्रमुख एवं जसपा नेतृ सल्मा खातुन लगायत नेता कार्यकर्ताहरुको सहभागिता रहेको थियो ।
यसअघि सोमबार नै वीरगञ्जमा पनि सयौंको संखयामा अन्य पार्टी परित्याग गरि नेता कार्यकर्ताहरु जसपामा प्रवेश गरेका थिए । अझै नेता कार्यकर्ताहरु विभिन्न दलबाट जसपामा आउने क्रमले निरन्तरता पाउने जसपा नेपालका सांसद तथा शीर्ष नेताहरुले बताएका छन ।