३ मंसिर/अर्थ र व्यापार– लुम्बिनी प्रदेश चेम्बरका अध्यक्ष ,नेकपाका नेता एवम् समाजसेवी भिम पौड्यालले यस बर्षको दशै र तिहारमा गर्ने खर्च कटौती गरि आमा समुहलाई सहयोग गरेका छन् । 

पौड्यालले एक कार्यक्रमकाबीच अंकुर स्वास्थ्य आमा समूह रुरुक्षेत्र गाउँपालिका वडा न.६ रिमुवाको अधुरो बहुउद्देश्यीय भवन निर्माणको लागि नगद सहयोग गरेका हुन् ।

सामाजिक सोच र समाजप्रतिको उत्तरदायित्व सबैले लिदैँ अर्ति उपदेश हैन हरेक राम्रो कार्य सानो भएपनि आफैबाट सुरु गर्नुपर्ने बताउँदै उनले आमा समुहलाई नगद रु. पच्चीस हजार (रु.२५,०००) सहयोग गरेका हुन् ।

सहयोग हस्तान्तरण कार्यक्रममा समाजसेवी पौड्यालले आफुले गरेको यस सामाजिक कार्यले समाजमा चाडपर्वका बेला हुने गरेको फजुल खर्चलाई न्यूनीकरण गर्नका लागी सहयोग पुग्ने बताए । 

युवा नेता एवम् समाजसेवी यदु ज्ञवालीले संचालन गरेको कार्यक्रममा जनप्रतिनिधिहरु र आमा समुहका पदाधिकारीहरुको उपस्थिति रहेको थियो ।