जिओ फ्लाईट सञ्चालनमा

मोबाईलबाटै सबै सुविधा लिन सकिने, सहज र सस्तोमा हवाई टिकट पाईने

654 पटक पढिएको

२६ असार/अर्थ र व्यापार – नेपाली उपभोक्तालाई सरल र सस्तो मूल्यमा हवाई टिकट सहितको सेवा सुविधा उपलब्ध गराउने उद्देश्यले ‘जिओ फ्लाईट’ सञ्चालनमा आएको छ । जोय ग्रुपले उपभोक्तालाई सहज रुपमा हवाई टिकट सहितको भ्रमण प्याकेज उपलब्ध गराउने उद्देश्य अनुरुप सो अनलाईन प्लेटफर्म सञ्चालनमा ल्याएको हो ।
जोय ग्रुपले सञ्चालनमा ल्याएको जिओ फ्लाईटलाई हाल एन्ड्रोइट र आईओएसगरी दुबै भर्सनमा मोबाइलमा डाउनलोड गर्न सकिनेछ । यसैगरी, वेभसाईटमार्फत www.jioflight.com मा गएर सो कम्पनीको सम्पूर्ण सेवा सुविधा लिन सकिने छ ।
अहिलेको प्रबिधिको युगमा उपभोक्तालाई एउटै प्लेटर्फमबाट हवाई टिकटदेखि विभिन्न खालमा भ्रमण प्याकेजहरु उपलब्ध गराउने उद्देश्यले जिओ फ्लाईट सञ्चालनमा ल्याइएको जिओ फ्लाईटका प्रबन्ध निर्देशक रमेश पौडेलले जानकारी दिए ।
‘अहिले धेरैजसो प्लेटफर्मबाट हवाई टिकट मात्रै लिन सकिने छ भने सो विषयमा थप जानकारी लिन सम्बन्धित कम्पनीका सम्पर्क व्यक्तिलाई सोधिरहनुपर्ने अवस्था छ,’ पौडेलले भने, ‘तर हामीले सञ्चालनमा ल्याएको सो प्लेटफर्मबाट सबै विषय एपबाटै बुझ्न सकिने छ । जसले अप्रेटर र उपभोक्ताबीचको ग्याप हटाउनेछ ।’
साथै जिओ फ्लाईटबाट हवाई टिकट खरिदगर्दा अन्य प्लेटर्फमबाट भन्दा सस्तो हुने समेत उनले जनकारी दिए ।

आन्तरिक तथा बाह्य दुबै खालका हवाई टिकट खरिद गर्न सकिने सो प्लेटफर्ममार्फत धार्मिक एवं व्यवसायीक भ्रमणको प्याकेट समेत उपलब्ध गराईनेछ । अनलाईनमार्फत जुनसुकै स्थानबाट समेत हवाई टिकट खरिद गर्नुका साथै भ्रमण प्याकेज लिन सकिने सो प्लेटर्फममार्फत नयाँ व्यवसाय सुरुवात तथा सो सम्बन्धी व्यवस्थापनको समेत जानकारी लिन सकिने कम्पनीले जनाएको छ ।
जिओ फ्लाईटको सुरुवातसँगै नेपालको पर्यटन क्षेत्रलाई थप नयाँ उचाईमा पुर्याउन मद्दत गर्ने छ । आधुनिक प्रविधि सहित सञ्चालनमा आएको सो प्लेटफममार्फत नेपालको पर्यटन क्षेत्रमा हाल देखिएको ग्यापकलाई समेत हटाउने सो कम्पनीको विश्वास रहेको छ ।

तपाईको प्रतिक्रिया

सम्बन्धित शीर्षकहरु

प्रभु इन्स्योरेन्सको साधारण सभाबाट १८ प्रतिशत लाभांश पारित

आईएमई लाइफ इन्स्योरेन्सका बीमितलाई ओम हस्पिटलमा १० प्रतिशत छुट

समृद्धि र पोखरा फाइनान्सबीच मर्जर सम्झौता