१ फागुन/अर्थ र व्यापार – राष्ट्रिय जीवन बीमा कम्पनीको खुद नाफा आर्जन बढेको छ। चालु आर्थिक वर्षको पुससम्म कम्पनीले १ करोड ४२ लाख रुपैयाँ खुद नाफा कमाएको छ।
कम्पनीले अघिल्लो आवको ६ महिनाको तुलनामा ४४.१४ प्रतिशतले खुद नाफा वृद्धि गरेको हो। अघिल्लो आवको ६ महिनामा ९९ लाख १२ हजार रुपैयाँ नाफा आर्जन गरेको थियो।
कम्पनीको चुक्ता पुँजी १८ करोड १० लाख रुपैयाँ छ भने खुद बीमा शुल्क आर्जन ६ अर्ब ४१ करोड रुपैयाँ छ । सो कम्पनीको प्रतिसेयर आम्दानी १५.७९ रुपैयाँ रहेको छ ।