संयुक्त विद्यार्थी संगठनले महँगी र मूल्यवृद्धि नियन्त्रण गर्न प्रधानमन्त्री शेरबहादुर देउवा समक्ष माग गरेका छन् । बुधबार बिहान प्रधानमन्त्री देउवासँग भेट गर्दै विभिन्न ६ विद्यार्थी संगठनले मूल्यवृद्धि नियन्त्रण गर्न माग गरेका हुन् ।

आइतबार सम्पन्न भएको १८औं हस्तकला व्यापार मेला तथा १६औं हस्तकला प्रतियोगितामा करिब ८ करोड रुपैयाँको कारोबार भएको छ । नेपाल हस्तकला महासंघद्धारा काठमाडौंको हायात होटलमा आयोजित तीनदिनसम्म चलेको सो मेलामा करिब एकलाख भन्दाबढीले सहभागीता जनाएका थिए । 

अर्थ मन्त्रालयले आफ्नो मातहतमा रहेका धराशायी सार्वजनिक संस्थानहरूलाई सुधारका लागि विशेष कार्यदल बनाएको छ । धराशायी अवस्थामा सञ्चालित सार्वजनिक संस्थाहरूको सुधारका लागि सरकारले यसअघि धेरै लगानी उपलब्ध गराउँदा र ऋणको व्यवस्था गर्दा पनि अपेक्षाकृत रूपमा माथि उठ्न नसकेको भन्दै अर्थ मन्त्रालयले यस्ता धराशायी सार्वजनिक संस्थान सुधारका लागि विशेष कार्यदल बनाएर अघि बढ्ने प्रक्रिया थालनी गरेको हो ।

नेपाल फुटवेयर म्यानुफ्याक्चरर्स एसोसीएसनको अध्यक्षमा नानीराज घिमिरे निर्वाचित भएका छन् । एसोसीएसनको २०औं वाार्षिक साधारण सभामा उनका प्रतिस्पर्धी रामकृष्ण प्रसार्इंलाई उछिन्दै घिमिरे अध्यक्षमा निर्वाचित भएका हुन् । 

 सरकारले पहिलो पटक घरजग्गाको मूल्य सर्वेक्षण प्रतिवेदन सार्वजनिक गरेको छ । नेपाल राष्ट्र बैंकले शुक्रबार पहिलोपटक यसरी घरजग्गाको मूल्य सर्वेक्षण प्रतिवेदन सार्वजनिक गरेको हो ।  राष्ट्र बैंकका गभर्नर महाप्रसाद अधिकारीले शुक्रबार एक कार्यक्रमकाबीच सो प्रतिवेदन सार्वजनिक गरेका हुन ।

प्रधानमन्त्री शेरबहादुर देउवाले हस्तकला क्षेत्रको बिकास र प्रर्वद्धनका लागि सरकार प्रतिबद्ध रहेको बताएका छन् । नेपाल हस्तकला महासंघको आयोजनामा शुक्रबारबाट काठमाडौंमा सुरु भएको १८ औं हस्तकला व्यापार मेला तथा १६ औं कला प्रतियोगिताको उद्घाटन गर्दै प्रधानमन्त्री देउवाले मुलुकको अर्थतन्त्रमा टेवा पु¥याउदै आएको हस्तकला क्षेत्रको विकास र प्रर्वद्धनका लागि प्रतिबद्ध रहेको बताएका हुन् ।

निजी क्षेत्रका विभिन्न छाता संस्थाहरुले संयुक्त रुपमा हाल बैंकको व्याजदर बढी भएर समस्या उत्पन्न भएको भन्दै समाधानकालागि नेपाल राष्ट्र बैंकले सहजिकरण गरिदिनुपर्ने बताएका छन । उनीहरुले यस्तो समस्या समाधानकालागि राष्ट्र बैंकले विशेष भूमिका निर्वाह गर्नुपर्ने बताएका छन् । निजी क्षेत्रका प्रतिनिधिमुलक संस्थाहरु नेपाल उद्योग वाणिज्य महासंघ, नेपाल उद्योग परिसंघ र नेपाल चेम्बर अफ कमर्सका अध्यक्षहरुले बिहीबार यस्तो बताएका हुन् ।

चालु आर्थिक वर्षको पछिल्लो ४ महिनामा नेपालमा २३ अर्ब बढीको वैदेशिक लगानी (एफडीआई) प्रतिवद्धता प्राप्त भएको छ । उद्योग विभागका अनुसार चालु आर्थिक वर्ष २०७८ / ७९ को वितेको चार महिना गत साउन महिनादेखि कात्तिक महिनासम्म विभिन्न ११० परियोजना मार्फत २३ अर्ब ८२ करोड २ लाख रुपैयाँ लगानी प्रतिवद्धता आएको छ । 

अर्थमन्त्री जनार्दन शर्माले कर प्रणाली र करदाताका समस्या तत्काल समाधान गर्न संयन्त्र निर्माण गर्ने बताएका छन् । बुधबार दशौं राष्ट्रिय कर दिवसका अवसरमा आन्तरिक राजस्व विभाग लाजिम्पाटमा आयोजित कार्यक्रमलाई सम्बोधन गर्दै उनले समस्याको तत्काल समाधान गर्न संयन्त्र बनाइने बताएका हुन् ।

सम्झौता अनुसार निर्माण सम्पन्न नगरेको भन्दै सरकारले विभिन्न चार कम्पनीलाई कालोसूचीमा राखेको छ । सार्वजनिक खरिद अनुगमन कार्यालयको मंगलबार बसेको वैठकले बुधबारदेखि लागू हुने गरी भौतिक पूर्वाधार तथा यातायात मन्त्रालय, सडक विभाग, हुलाकी राजमार्ग निर्देशनालय, योजना कार्यालय मुजेलिया जनकपुरका सिफारिसमा नयाँबानेश्वर काठमाडौँस्थित भैरव कन्स्ट्रक्शन कम्पनीलाई आगामी दुई वर्षका लागि कालोसूचीमा राख्ने निर्णय गरेको हो ।

आन्तरिक राजश्व विभागले विभिन्न १५ विधामा मुलुकलाई बढी कर तिर्ने करदाताहरुलाई सम्मानित गरेको छ ।  दशौँ राष्ट्रिय कर दिवसको अवसरमा बुधबार अर्थमन्त्री जनार्दन शर्माले यसरी सम्मानित हुने करदाताहरुलाई सम्मानपत्र हस्तान्तरण गरेका हुन् । 

नक्कली स्टिकरको कारोबार गर्ने दुई डिष्टिलरी विरुद्ध मुद्दा दायर भएको छ । राजस्व अनुसन्धान विभागले मंगलबार क्रिष्टल बोटलर्स प्रालि र माउन्ट एभरेष्ट डिष्टीलरी प्रालि विरुद्ध मुद्दा दायर गरेको हो । राजश्व छलिमा संलग्न यी मदिरा कम्पनीले भारतबाट नक्कली अन्तःशुल्क स्टिकर ल्याएर प्रयोग गर्ने गरेको अनुसन्धानबाट पुष्टि भएको विभागले जनाएको छ ।

सरकार राजश्व संकलनको लक्ष्य भेटाउन असफल भएको छ । गत आर्थिक वर्षमा लिएको राजश्व संकलनको लक्ष्यमा सरकार असफल भएको हो । गत आर्थिक वर्ष २०७७/ ७८ मा कुल १० खर्ब ७२ अर्ब २८ करोड ६१ लाख राजश्व संकलन गर्ने लक्ष्य राखेकोमा कुल ८ खर्ब ८८ अर्ब १ करोड ४२ लाख रुपैयाँ मात्रै राजश्व संकलन भएको हो ।

नेपाल हस्तकला महासंघले आगामी ३ मंसिर देखि ५ मंसिरसम्म हुने १८औं हस्तकला व्यापार मेला तथा १६औं कला प्रतियोगिताको तयारी पुरा भएको जनाएको छ । सोमबार पत्रकार सम्मेलन गरि नेपाल हस्तकला महासंघको आयोजनामा काठमाडौको वौद्धस्थित ह्यात रिजेन्सी होटलमा हुने सो मेलाको सबै तयारी पूरा भएको जानकारी गराईएको हो ।

अर्थमन्त्री जनार्दन शर्माले आगामी बजेटमा कर नीतिमा आमूल हुने बताएका छन् । आइतबार राजस्व प्रशासन सम्बन्धी अधिकृतस्तरीय सेवाकालिन तालिमको उद्घाटन गर्दै मन्त्री शर्माले यस्तो बताएका हुन ।

भृकुटीमण्डपमा शुक्रबारदेखि सञ्चालित जुत्ताचप्पल व्यापार मेलामा अवलोकनकर्ताको भीड लागेको छ  । नेपाल फुटवेयर्स म्यानुफेक्चर्स एसोसिएसनको आयोजनामा सञ्चालित मेलामा विभिन्न ब्रान्डका स्वदेशी जुक्ता चप्पलहरू सर्वसुलभ मूल्यमा बिक्री भइरहेको छ ।

ढाका कपडा र यसबाट बनेका वस्तुहरूको प्रवद्र्घन र बजारीकरण गर्ने उद्देश्यले व्यवसायीहरूको राष्ट्रिय सम्मेलन तथा दोस्रो ढाका वस्तु प्रदर्शनी आगामी पुस पहिलो साता आयोजना हुने भएको छ । नेपाल घरेलु तथा साना उद्योग महासंघ केन्द्र र नेपाल ढाका कपडा उद्योगी व्यवसायी संघको संयुक्त आयोजनामा आगामी २ देखि ४ पुससम्म काठमाडौंको बानेश्वर थापागाउँस्थित बानेश्वर ब्यांक्वेटमा सो प्रर्दशनी र सम्मेलन हुन लागेको हो ।

नेपाल आयल निगमले प्रति लिटर जम्मा ८३ रुपैयाँमा किनेको पेट्रोल हाल १३६ रुपैयाँमा बेच्दा पनि अझै घाटा देखाएर उपभोक्ताको ढाड सेक्ने काम गरिरहेको छ ।  निगमले आफुलाई घाटा भएको भन्दै गत बुधबार सबै प्रकारका पेट्रोलियम पदाथ (पेट्रोल, डिजेल, मट्टीतेल, हवाई इन्धन र खाना पकाउने एलपी ग्यास) को मूल्य बढाएको छ ।

नेपाल राष्ट्र बैंकले आगामी मंसिर पहिलो साता चालू आर्थिक वर्ष २०७८/ ७९ का लागि जारी गरिएको मौद्रिक नीतिको समीक्षा गर्ने भएको छ । राष्ट्र बैैंकले गत २९ साउनमा ल्याएको चालू आवको मौद्रिक नीतिको समीक्षा गर्न अहिले राष्ट्र बैंकले आवश्यक तयारीलाई तिब्र बनाएको छ ।

अर्थमन्त्री जनार्दन शर्माले राष्ट्र बैंकको अधिकार क्षेत्रमाथिको हस्तक्षेपलाई निरन्तरता दिएका छन् । अर्थमन्त्री शर्माले बैंकिङ क्षेत्रको तरलताको विषयलाई लिएर २७ वटै बैंकका कार्यकारी प्रमुखहरूलाई (आज) शुक्रबार भेट्ने गरी बोलाएका हुन् । 

सरकारले कोरोना महामारिका कारण रोजगारी गुमाएका अति विपन्न परिवारलाई १० हजार रुपैयाँ नगद अनुदान लिनका लागि निवेदन दिन आग्रह गरेको छ । अर्थ मन्त्रालयले बिहीबार सूचना निकालेर आगामी १५ दिनभित्र आवेदन दिन यस्तो आग्रह गरेको हो ।

आगामी शुक्रबारदेखि एफम्यान फुटवेयर बिजनेस एक्स्पो हुने भएको छ । फुटवेयर म्यानुफ्याक्चर्स एशोसिएसन अफ नेपाल को आयोजनामा फुटवेयर एक्सपो हुन लागेको हो ।  आयोजक समितिले मंगलबार काठमाडौंमा पत्रकार सम्मेलन गरी जानकारी दिएको छ ।

विभिन्न २७ वटा वाणिज्य बैंकहरुसँग ४९ अर्ब ३१ करोड ७० लाख रुपैयाँ खराब कर्जा देखिएको छ । नेपाल बैंकर्स संघको तथ्यांक अनुसार विभिन्न २७ वटा वाणिज्य बैंकहरुसँग यतिधेरै रकमको खराब कर्जा देखिएको हो । चालु आर्थिक वर्ष २०७८/ ७९ को वितेका तीन महिना असोज मसान्तसम्मको तथ्यांक अनुसार यि वाणिज्य बैंकहरु मध्ये सबैभन्दा बढी खराब कर्जा सरकारी लगानी रहेको बैंकका बैंकहरुको नै देखिएको छ ।

पछिल्लो समय मुलुकको हरेक क्षेत्रमा परनिर्भरता बढेसँगै यसपालीको तिहारमा करिब डेढ अर्ब रुपैयाँ भन्दाबढीको भाईमसला आयात भएको छ ।  हिन्दु धर्म मान्ने नेपालीको दसैंपछिको दोस्रो ठुलो महानचार्ड तिहारमा दिदी–बहिनीले आफ्ना दाजुभाईलाई दिने भाईमसलाको आयात यसपाली ह्वात्तै बढेको भन्सार विभागले जनाएको छ । 

विशेष आर्थिक क्षेत्र (सेज)मा मदिरा र सुर्तीजन्य वस्तु उत्पादन गर्ने उद्योग खोल्न नपाइने भएको छ । सरकारले मुलुकभित्र उद्योग प्रवद्र्धनगरी निर्यात बढाउन सेजको अवधारणा ल्याएको हो । सेजमा उर्जामुलुक उद्योग, उत्पादनमुलक उद्योग, कृषिजन्य उत्पादन , वनपैदवारसँग सम्बन्धित उद्योग, खानी उद्योग, सूचना तथा प्रसारण तथा सञ्चार प्रविधिमा आधारित उद्योग र सेवामुलक उद्योग खोल्न सकिने प्रावधान छ ।