२६ आषाढ/अर्थ र व्यापार– नौविसे–नागढुंगा सुरुङमार्ग निर्माणका लागि आवश्यक पर्ने जग्गा अधिग्रहणको प्रक्रिया अघि बढेको छ । जापान सरकारको करिव १५ अर्ब रुपैयाँ अनुदान सहयोगमा आगामी चार बर्ष भित्रमा यस सुरुङमार्गको निर्माण सम्पन्न गर्ने लक्ष्य लिईएको छ । 

आयोजनाले साविकको चन्द्रागिरी नगरपालिका (साविकका महादेवस्थान,बलम्वु,दहचोक र थानकोट गाविस)का वडा न१,३,४,५,७ र १२ अधिग्रहणमा पर्ने जग्गाधनीले जग्गाधनी प्रमाणपुर्जा,तिरो तिरेको रसिद,वडारनगरपालिकाको सिफारिस,नागरिकताको प्रतिलिपी,प्रमाणपत्र सहित आयोजनाको कार्यालय ज्वागलमा रकम बुझ्न आग्रह गरेको छ । 

सुरुङमार्ग बनाउने ठाउँमा संस्था र व्यक्तिको गरि ४ सय ३७ जग्गाधनीको जग्गा छ ।
आयोजनाका लागि २ सय ६७ रोपनी जग्गा अधिग्रहण गर्नुपर्छ । यो क्षेत्रमा जग्गाको प्रकृति हेरेर ९ देखि ४२ लाख रुपैयाँ प्रतिआनासम्म पर्छ ।

अहिले जापानी अन्तर्रा्ष्ट्रिय सहयोग नियोग(जाइका)ले यो सुरुङमार्गको विस्तृत परियोजना प्रतिवेदन तयार पारिसकेको छ।अहिले यो प्रतिवेदन माथि थप अध्ययन भैरहेको सडक विभाग वैदेशिक समन्वय महाशाखा प्रमुख सञ्जयकुमार श्रेष्ठले जानकारी दिए ।
 महाशाखाका अनुसार अहिले उक्त डिपिआर जाइकाले अध्ययन गरिरहेको छ । जाइकाले उनीहरुको रिक्वायरमेन्ट अनुसार हेरेर थपघट गर्छ’उनले भने, जाइकाबाट नो अब्जेक्स लेटर पाएपछि मात्रै टेण्डर प्रक्रियामा जान सकिने महाशाखा प्रमुख श्रेष्ठले जानकारी दिए ।

सुरुङमार्ग नागढुङगा–नौविसे सडकखण्ड अन्तर्गत थानकोट नजिकैक वस्नेतछापदेखि सिस्नेखोला २.७ किलोमिटरको हुनेछ ।सुरुङमार्गको पुर्वीद्धार नागढुङगाको फेदीमा पर्ने बस्नेतछापमा हुनेछ भने पश्चिमद्धार सिस्नेखोलामा रहनेछ । थानकोट देखि बस्नेतछाप २.६ किलोमिटर पुर्वीद्धारसम्म पुग्ने पहुचमार्ग निर्माण हुनेछ ।

सुरुङमार्गले नागढुङगाबाट घुमेर जाने बाटोमा लाग्ने ८ किलोमिटर बाटो छोट्याउने छ भने यात्रुको ३० मिनेट समय बचत गर्ने छ । 
जाइकाले तयार पारेको डिपिआर अनुसार सुरुङमार्गको चौडाई साढे ९ मिटरको हुनेछ । सुरुङमार्ग तीन लेनको हुनेछ । ३.५–३.५ मिटरको लेन हुनेछ । 

सवारीसाधन आउन जानका लागि दुईवटा लेन प्रयोग हुनेछन् । वीचमा २.५ मिटरको लेन सुरुङमार्ग भित्र गाडी विग्रिए वा समस्या आएमा साइड लगाउन र बाहिर निकाल्नका लागि प्रयोग गरिने छ ।