१९ पौष÷अर्थ र व्यापार
विश्वभरि महामारीको रुपमा फैलिएको कोभिड १९ ले सृजना गरेको बन्दाबन्दीको विषम परिस्थितिमा व्यालेन्स ग्रुप अफ कम्पनीज प्रा. लि. ले ग्राहकलाई दैनिक आवश्यक पर्ने गुणस्तरीय उपभोग्य सामग्रीहरु उचित मुल्यमा उपलब्ध गराउने उद्देश्यले सबभन्दा सस्तो ई कमर्स प्ल्याटफर्म स्थापना गरेको छ ।

बन्दाबन्दिको पीडा र तमाम उपभोक्ताले भोग्नु परेको समस्यालाई न्यूनीकरण गर्न संचालन गरिएको इकमर्स “अर्डर नाउ” को अफिसियल लञ्च भएको हो । कम्पनीले घर–घरमै ग्राहकको माग बमोजिम डेलिभरी सेवा उपलब्ध गराउनेछ । 
हाल अर्डर अनलाईन मार्केट प्रा. लि. द्वारा संचालित इकमर्स “अर्डर नाउ” उपभोक्ता तथा व्यापारी (बिक्रेता) लाई अर्डर नाउ ले विविध सामग्री अनलाइन खरिद तथा बिक्री गर्ने साझा प्ल्याटफर्म तयार गरेको छ । सामान्यतया दैनिक जीवनशैलीमा आवश्यक पर्ने सम्पुर्ण सामग्रीहरु उक्त प्ल्याटफर्म मार्फत अनलाईन खरिद बिक्री गर्न सकिनेछ, जसमा ग्राहकले सस्तोमा गुणस्तरीय सामान खरिद गर्न पाउनेछन तथा बिक्रेताले आफ्नो उचित मूल्य पाउनेछन ।

बिक्रेताको रुपमा विविध सामाग्री सँग सम्बन्धित उद्योगी, कृषक, उत्पादक, डिष्ट्रिब्युटर, होलसेल तथा खुद्रा व्यापारी, आयातकर्ता, डिलर आदिले सदस्यता लिइ बिना भेदभाव आफ्नो व्यवसाय दर्ता गर्न पाउनेछन् र अनलाइन बजार मार्फत व्यवसाय वृद्धि गर्न पाउनेछन् ।

कम्पनीले नेपाली उत्पादनलाई प्रोत्साहनस्वरुप तथा जोखिम न्यूनीकरण गर्न स्थानीय स्तरमा उत्पादित कृषिजन्य सामाग्री तथा अन्य विविध वस्तुहरु सिधै उपभोक्ताको घरदैलोमा पु¥याउनेछ । साथै नेपालमा उत्पादित विविध उत्पादनहरु अन्तर्राष्ट्रिय बजारमा समेत पु¥याउने योजना कम्पनीको छ ।

कम्पनीको नेपालमा अनलाइन सपिङ तथा इकमर्स व्यवसायलाई फरक तवरले संचालन गर्न अर्डरनाउ डट कम मार्फत सेवा बिस्तार गर्दै नेपालकै उत्कृष्ट इकमर्स प्ल्याटफर्म तयार गर्ने लक्ष्य राखेको छ । कम्पनीको मुख्य उद्देश्य रोजगारी र अवसरको सृजना गर्दै स्थानिय उत्पादनहरुको राष्ट्रिय तथा अन्तर्राष्ट्रिय स्तरको बजारीकरणमा भुमिका खेल्नु हो । अर्डर नाउ व्यापारी, व्यवसायी, कृषक, घरेलु तथा स्थानिय उद्योग, विविध सेवा प्रदानकर्ता आदिलाई उपयोगी प्ल्याटफर्म बन्नेछ कम्पनीको विश्वास छ ।

राष्ट्रिय स्तरमा सेवा प्रदान गर्ने अर्डर नाउले सिमित स्थानमा निशुल्क डेलिभरी, द्रुत डेलिभरी तथा सेवा प्रदायकको सेवा र प्रयोग भएका सामान खरिद बिक्री गर्ने जस्ता सेवा समेत प्रदान गर्नेछ । बन्दाबन्दिको समयमा दैनिक आवश्यक खाद्य बस्तु डेलिभरीबाट सुरुवात भएको इकमर्स हाल दैनिक खाद्य सामाग्री, कस्मेटिक सामाग्री, इलेक्ट्रोनिक सामाग्री, केक, आदि सामाग्री अनलाइन बिक्री गर्दै करिब एक सय व्यवसायले प्ल्याटफर्म प्रयोग गर्दै छन ।