८ फागुन /अर्थ र व्यापार - बुधबार नेप्से १२.७२ अंकले घटेरर १११२.२३ बिन्दुमा झरेको छ । यस दिन १६२ कम्पनीहरुका ५ लाख ८१ हजार १३८ कित्ता शेयर खरिद बिक्री भए भने १६ करोड ६१ लाख रुपैयाँ बराबरको कारोबार भयो । यो मंगलबारको तुलनामा करिब ६ करोड रुपैयाँले कम हो । मंगलबार २१ करोड रुपैयाँ बराबरको कारोबार भएको थियो ।

बुधबार कारोबारमा आएका १० समुह मध्ये उत्पादन तथा प्रशोधन समुहको सूचक मात्रै बढेको छ । उत्पादन तथा प्रशोधनको ८.६९ अंकले बढेको छ । बाँकी ९ वटै समुहको सुचक ओलारो लागेका छन् । सबै भन्दा धेरै जीवन बीमा समुहको सूचक १६७.८३ अंकले घटेको छ । त्यस पछि निर्जीवन बीमा कम्पनीको १०५.५४ अंकले सकारात्मक भएको छ । यस्तै हाइड्रोपावर २०, माइक्रोफाइनान्स १९.३३, विकास बैंक १३.४२, वाणिज्य बैंक ८.७१, होटल ७.८३, अन्य ४.२७ र फाइनान्स ०.३१ अंकले ओरालो लागेका छन् ।

यस दिन कुनै पनि कम्पनीको कारोबार रकम करोड नाघेको छैन् । अपर तामाकोशीको सबै भन्दा धेरै ९३ लाख ५० हजार रुपैयाँ बराबरको कारोबार भएको छ । यस्तै नविल बैंकको संस्थापक ९० लाख र सर्वसाधारण शेयर ७१ लाख रुपैयाँ बराबरको कारोबार भएको छ । चौतारी लघुवित्त कम्पनीका शेयरधनीहरुले आजको कारोबारवाट सबै भन्दा धेरै बढी कमाएका छन् । चौतारीका शेयरधनीहरुले ९.८४ प्रतिशतले कमाएका हुन् । श्रीराम सुगर मिलको शेयर मूल्य ९.४० प्रतिशतले बढेको छ । यस्तै जेविल्स फाइनान्सको शेयरधनीहरुले आजको कारोबारबाट ३.०८ प्रतिशतले कमाएका छन् ।

पुर्णिमा विकास बैंक र सानिमा इक्युटी फण्डको इकाई मूल्य २ प्रतिशतले बढ्दा हिमालयन डिस्टीलरी, किसान माइक्रोफाइनान्स, एभरेष्ट इन्स्योरेन्स, सिन्धु विकास बैंक र कैलाश विकास बैंकको शेयरधनीहरुले १ प्रतिशत भन्दा बढीले कमाएका छन् । यता नेपाल सेवा लघुवित्तको शेयर मूल्य सबै भन्दा धेरै घटेको छ । लघुवित्तको शेयर मूल्य ५.३८ प्रतिशतले घटेको हो । यस्तै सामुदायिक लघुवित्त, नयाँ नेपाल लघुवित्तका शेयरधनीहरुले पनि ५ प्रतिशत भन्दा बढीले गुमाएका छन् ।

प्रभु इन्स्योरेन्स, मिर्मिरे लघुवित्त, सुर्या लाइफ इन्स्योरेन्स, प्राइम लाइफ इन्स्योरेन्स, कामना सेवा विकास बैंक, नगबेली लघुवित्त र कर्पोरेट डेभलपमेन्ट बैंकको शेयर मूल्य ४ प्रतिशत भन्दा बढीले घटेको छ ।