२९ फाल्गुन / अर्थ र व्यापार- नेपालमा उत्पादन हुने अर्गानिक खाद्य बस्तुहरुको विक्रि तथा वजार प्रवद्र्धनका लागी काठमाडौंको शान्तिनगरमा हिमालयन कर्नर अर्गानिक मार्ट सञ्चालनमा आएको छ । हिमालयन कर्नर अर्गानिक मार्ट तथा अर्डर नाउ ईकमर्सको सहकार्यमा सञ्चालनमा आएको मार्टको शनिवार अर्डर नाउका अध्यक्ष राजन सिम्खडा र हिमालन कर्नर अर्गानिक मार्टका अध्यक्ष दिपक बहादुर बुढाले उद्घाटन गरे ।

नेपालमा उद्यम गरिरहेका उद्यमीहरु त्था कृषकहरुलाई प्रोत्साहन गर्न नेपालमै उत्पादीत सामाग्रीहरुलाई बजारीकरण गरी अर्गानिक खाद्य वस्तुहरु लगायत स्थानिय स्तरमा उत्पादन हुने उपभोग्य सामाग्रीहरुको विक्री वितरणका लागी सो मार्ट सञ्चालनमा ल्याइएको हो ।

उद्घाटन कार्यक्रममा बोल्दै अर्डर नाउ का कार्यकारी अध्यक्ष राजन सिम्खडाले देशमा व्यवस्था परिवर्तन भएपनि आम नागरिकको अवस्था परिवर्तन हुन नसकेको वताए । सिम्खडाले नागरिक, कृषक र नेपाली उत्पादनकर्ताहरुको हितमा अर्डर नाउ र मार्टले भुमिका खेल्दै जाने वताए । कार्यक्रममा हिमालयन कर्नर अर्गानिक मार्टका अध्यक्ष दिपक बहादुर बुढाले पनि मन्तव्य राखेका थिए ।

कार्यक्रममा अर्डर नाउ का अध्यक्ष राजन सिम्खडा र हिमालन कर्नर अर्गानिक मार्टका अध्यक्ष दिपक बहादुर बुढाले हुम्ला फुड ईण्डस्ट्रिजका उत्पादनहरुलाई संकलन,प्रशोधन र प्याकेजिङ गरि विक्री वितरण गर्ने सम्झौता पत्रमा समेत हस्ताक्षर गरिएको छ ।

व्यालेन्स ग्रुप अफ कम्पनीज प्रा. लि. ले ग्राहकलाई दैनिक आवश्यक पर्ने गुणस्तरीय उपभोग्य सामग्रीहरु उचित मुल्यमा उपलब्ध गराउने उद्देश्यले सबभन्दा सस्तो ई कमर्स प्ल्याटफर्म “अर्डर नाउ” स्थापना गरेको हो ।

अर्डर नाउ उपभोक्ता तथा व्यापारी (बिक्रेता) लाई विविध सामग्री अनलाइन खरिद तथा बिक्री गर्ने साझा प्ल्याटफर्महो । सामान्यतया दैनिक जीवनशैलीमा आवश्यक पर्ने सम्पुर्ण सामग्रीहरु उक्त प्ल्याटफर्म मार्फत अनलाईन खरिद बिक्री गर्न सकिनेछ, जसमा ग्राहकले सस्तोमा गुणस्तरीय सामान खरिद गर्न पाउनेछन तथा बिक्रेताले आफ्नो उचित मूल्य पाउने कम्पनीले जनाएको छ ।

बिक्रेताको रुपमा विविध सामाग्री सँग सम्बन्धित उद्योगी, कृषक, उत्पादक, डिष्ट्रिब्युटर, होलसेल तथा खुद्रा व्यापारी, आयातकर्ता, डिलर आदिले सदस्यता लिइ बिना भेदभाव आफ्नो व्यवसाय दर्ता गर्न पाउनेछन् र अनलाइन बजार मार्फत व्यवसाय वृद्धि गर्न पाउनेछन् ।

कम्पनीले नेपाली उत्पादनलाई प्रोत्साहनस्वरुप तथा जोखिम न्यूनीकरण गर्न स्थानीय स्तरमा उत्पादित कृषिजन्य सामाग्री तथा अन्य विविध वस्तुहरु सिधै उपभोक्ताको घरदैलोमा पु¥याउनेछ । साथै नेपालमा उत्पादित विविध उत्पादनहरु अन्तर्राष्ट्रिय बजारमा समेत पु¥याउने योजना कम्पनीको छ ।

कम्पनीको नेपालमा अनलाइन सपिङ तथा इकमर्स व्यवसायलाई फरक तवरले संचालन गर्न अर्डरनाउ डट कम मार्फत सेवा बिस्तार गर्दै नेपालकै उत्कृष्ट इकमर्स प्ल्याटफर्म तयार गर्ने लक्ष्य राखेको छ । कम्पनीको मुख्य उद्देश्य रोजगारी र अवसरको सृजना गर्दै स्थानिय उत्पादनहरुको राष्ट्रिय तथा अन्तर्राष्ट्रिय स्तरको बजारीकरणमा भुमिका खेल्नु हो । अर्डर नाउ व्यापारी, व्यवसायी, कृषक, घरेलु तथा स्थानिय उद्योग, विविध सेवा प्रदानकर्ता आदिलाई उपयोगी प्ल्याटफर्म बन्नेछ कम्पनीको विश्वास छ ।

राष्ट्रिय स्तरमा सेवा प्रदान गर्ने अर्डर नाउले सिमित स्थानमा निशुल्क डेलिभरी, द्रुत डेलिभरी तथा सेवा प्रदायकको सेवा र प्रयोग भएका सामान खरिद बिक्री गर्ने जस्ता सेवा समेत प्रदान गर्नेछ । बन्दाबन्दिको समयमा दैनिक आवश्यक खाद्य बस्तु डेलिभरीबाट सुरुवात भएको इकमर्स हाल दैनिक खाद्य सामाग्री, कस्मेटिक सामाग्री, इलेक्ट्रोनिक सामाग्री, केक, आदि सामाग्री अनलाइन बिक्री गर्दै करिब एक सय व्यवसायले प्ल्याटफर्म प्रयोग गर्दै छन ।