० नेपाली बजारमा कन्ट्रोल ब्राण्डको लुब्रिकेन्ट कस्तो विशेषताका कारण उपभोक्ताको रोजाईमा परेको हो ?

कन्ट्रोल फुजिमा आयल कम्पनीद्वारा उत्पादित नेपालकै एक लोकप्रिय ब्राण्ड हो । कन्ट्रोल नेपालमा सर्वाधिक लोकप्रिय र सर्वाधिक विक्रि हुने ब्राण्ड हो । फुजिमा आयलले आफ्नो २५ वर्षको लगानीमा स्थापित गरेको ब्राण्ड कन्ट्रोल हो । नेपाली ब्राण्ड पनि स्तरिय हुन्छ भन्ने एउटा उदाहरण पनि कन्ट्रोल हो । गुणस्तरका हिसावले पनि यो अन्तर्राष्ट्रिय स्तरको छ भने तुलनात्मक रुपमा मुल्यका हिसावले पनि यो प्रतिस्पर्धी छ । भारत र बहुराष्ट्रिय कम्पनी वाट उत्पादित ब्राण्डहरुको प्रतिस्पर्धी ब्राण्ड कन्टोल हो । त्यसैकारण कन्ट्रोल उपभोक्ताहरुको रोजाईमा परेको हो ।

० नेपालमा लुब्रिकेन्टहरुको वार्षिक वजार र यसमा नेपाली उत्पादनहरुको बजार हिस्सा कस्तो छ ?

नेपालमा हाल सात वटा लुब्रिकेन्ट कम्पनीहरु छन । नेपालको लुब्रिकेन्ट वजारमा नेपाली कम्पनीहरुको उत्पादनले तीस प्रतिशत बजार हिस्सा ओगटेका छन भने सत्तरी प्रतिशत वजार विदेशी कम्पनीहरुका उत्पादनहरुले ओगटेका छन । तर पनि नेपाली कम्पनीहरुको वजार हिस्सा वार्षिक रुपमा १५–२० प्रतिशतको वृद्धि हुँदैछ । तर लुब्रिकेन्टहरुको वार्षिक बजारमा कति उपभोग हुन्छ र यसको कारोवार कति हुन्छ भन्ने विषयमा अध्ययन अनुसन्धान नै हुन सकेको छैन ।

० नेपाली लुब्रिकेन्टहरुले अहिले विदेशी लुब्रिकेन्टहरु संग प्रतिस्पर्धा गर्नु परिरहेको छ । विदेशी कम्पनीहरुसंग प्रतिस्पर्धा गर्न कस्ता समस्या छन ?

सवैभन्दा पहिले त आम उपभोक्ताहरुमा नेपाली उत्पादन भन्दा विदेशी उत्पादन राम्रो हुन्छ भन्ने सोच छ । त्यो नै मुख्य चुनौति हो । अर्को कुरा नेपालमा आउने लुब्रिकेन्ट र त्यसको कच्चा पदार्थको भन्सार दरमा न्युन अन्तर छ । कच्चा पदार्थको भन्सार दर १५ प्रतिशत र तयारी लुब्रिकेन्टको भन्सार दर ३० प्रतिशत हुँदा हाम्रो उत्पादन लागतका कारण मुल्यमा प्रतिस्पर्धा गर्न गाह्रो छ  । हामीले सकेसम्म मुल्यलाई प्रतिस्पर्धी बनाउन पहल गराईरहेका छौं । बाध्यतावश हामीले उहाँहरु भन्दा कम नै नाफा राखेर भए पनि मुल्यमा प्रतिस्पर्धी हुनु परेको अवस्था छ ।

० नेपालको लुब्रिकेन्ट बजारमा फुजिमा आयलका अन्य उत्पादनहरु के–के छन र तिनीहरुको प्रबद्र्धन कसरी गरिरहनु भएको छ ? 

हाल फुजिमा आयलको तीनवटा ब्राण्डहरु छन । एउटा कन्ट्रोल, दोस्रो प्रिमियम स्तरको म्याजिक प्लस ब्राण्ड र तेस्रो ब्राण्ड रोयल लुब्रिकेन्ट हो । रोयल लुब्रिकेन्ट कृषिमा आधारित औजार र विशेषगरी ट्याक्टरको लागी उत्पादन गरिएको हो । यसको वजार प्रवद्र्धनको लागी हामीले ब्राण्ड एम्बेसडरहरु नियुक्त गरेर प्रचार–प्रसार गरिरहेका छौं । यसको लागी कन्ट्रोलको ब्राण्ड एम्बेसडरमा शिवहरि पौडेल, म्याजिक प्लसको ब्राण्ड एम्बेसडरमा वर्षा सिवाकोटी र रोयलको ब्राण्ड एम्बेसडरमा राजेश हमाल लाई नियुक्त गरेका छौं । उहाँहरुको लोकप्रियताले कम्पनीको उत्पादनहरुको प्रचार प्रसारमा सहयोग पुगोस भन्ने चाहनाले उहाँहरुलाई ब्राण्ड एम्बेसडर नियुक्त गरिएको  हो ।