जेनजी पुस्ताको प्रदर्शन थप चर्किएपछि विद्यार्थीलाई विद्यालयमै राख्न र कर्मचारीलाई कार्यालयमै बस्न प्रशासनको आग्रह

अहिलेसम्म मृत्यु हुनेहरूको संख्या १३ पुग्यो

857 पटक पढिएको

२३ भदौ/अर्थ र व्यापार – जेनजी पुस्ताको प्रदर्शन थप चर्किएपछि जिल्ला प्रशासन कार्यालय काठमाडौंले विद्यालयमा रहेका विद्यार्थीलाई विद्यालयमै ‘होल्ड’ गर्न आग्रह गरेको छ । प्रहरीको गोलीप्रहार र दमनपछि आन्दोलन थप हिंसात्मक भई सोमबारको प्रदर्शन उग्र बनेसँगै सरकारले काठमाडौं महानगरपालिका भित्रका विभिन्न स्थानमा कफ्र्यू लगाएको छ । यस्तो अवस्थामा विद्यालयका विद्यार्थीहरुलाई तत्काल नछोड्न जिल्ला प्रशासन कार्यालयले यस्तो आग्रह गरेको हो ।
कफ्र्यू लगाएपछि विद्यालयमा रहेका विद्यार्थीलाई केही समय विद्यालयमा राख्न भनिएको छ । अवस्था हेरेर विद्यालयका बसलाई निकाल्ने व्यवस्था मिलाउने काठमाडौंका प्रमुख जिल्ला अधिकारी छविलाल रिजालले बताए ।
‘अहिले हामीले विद्यालयका बसलाई हिँड्न अनुमति दिएका छैनौं । केही समयपछि अवस्था हेरेर विद्यालयबाट निक्लिनको लागि समय दिन्छौं,’ रिजालले भने ।
यसैगरी, विभिन्न कार्यालयहरुमा गएका कर्मचारीहरुलाई पनि तत्काल कार्यालय भन्दा बाहिर नआउन भनिएको छ। अवस्था हेरेर उनीहरुलाई घर घरसम्म पुग्ने व्यवस्था मिलाउने जानकारी रिजालले दिए । सोमबार बिहान ९ बजेबाट जेनजी पुस्ताले गरेको प्रर्दशनलाई नियन्त्रणमा लिन प्रसाशनले कफ्र्यू जारी गरेको छ ।
प्रहरीको गोली लागेर केही मानिस घाइतेसमेत भएका छन् । अहिलेसम्म सो प्रदर्शनमा मृत्यु हुनेहरूको संख्या १३ पुगेको छ । एकसय भन्दा बढी घाइते भएका छन् ।

तपाईको प्रतिक्रिया

सम्बन्धित शीर्षकहरु

बजेटवाट उत्साही भएन निजी क्षेत्र,कार्यान्वयनमा विज्ञहरुको जोड

महासंघको केन्द्रिय सदस्यमा सागर ढकालको उम्मेदवारी घोषणा

भोली हुने निर्वाचनको सम्पूर्ण तयारी पूरा, निर्धक्क भएर मतदान गर्न आयोगको अपिल

निजी क्षेत्र अहिलेको जस्तो न्यून मनोबलको स्थितिमा पहिला कहिले पनि थिएन : अध्यक्ष ढकाल

सुरक्षाको प्रत्याभुति गर्न नपाएको निजी क्षेत्रको भनाई

नवनियुक्त आईजीपीको पहिलो निर्णय, वरिष्ठ सईसम्मलाई २ लाखको आकस्मिक कर्जा

नेपालमा जस्तो अवसर र सम्भावना कतै देख्दिन : अध्यक्ष ढकाल

पर्यटन व्यवसायी अंगाईले गरे पुनर्निर्माण कोषमा १ लाख सहयोग

शीतल निवासमा ४ मन्त्रीले लिए शपथ

निजी क्षेत्रको मनोबल कम हुन दिंदैनौं : नवनियुक्त अर्थमन्त्री खनाल