सुनको भाउ अकासिएर नयाँ रेकर्डमा, प्रतितोला १ लाख ७५ हजार २ सय पुग्यो

689 पटक पढिएको

५ चैत/अर्थ र व्यापार– यस साताको तेस्रो कारोबार दिन मंगलबार सुनको भाउ अकासिएर नयाँ रेकर्ड बनाएको छ । अघिल्लो दिनको तुलनामा मंगलबार छापावाल सुन प्रतितोला ११ सय रुपैयाँले बढेर अहिलेसम्मकै नयाँ रेकर्ड बनाएको हो ।
बढेको नयाँ मुल्य अनुसार छपावाल सुनको मुल्य प्रतितोला १ लाख ७५ हजार २ सय कायम भएको नेपाल सुनचाँदी व्यवसायी महासंघले जनाएको छ । महासंघका अनुसार यसदिन सुनको भाउले तीन दिनअघिको उच्च रेकर्ड तोडेको छ ।
अघिल्लो दिन प्रतितोला १ लाख ७४ हजार १ सय रुपैयाँ कायम भएको थियो । त्यसअघि गत शुक्रबार सुनको मूल्यले १ लाख ७४ हजार ५ सय रुपैयाँको उच्च रेकर्ड बनाएको थियो।
पछिल्लो समय दैनिक बढेको सुनको मुल्य नेपाली बजारमा अहिलेसम्मकै उच्च रेकर्ड भएको महासंघले जनाएको छ । महासंघका अनुसार चाँदीको भाउ पनि प्रतितोला १० रुपैयाँ बढेको छ । अघिल्लो दिन प्रतितोला २ हजार ४० रुपैयाँ रहेको चाँदीको मुल्य प्रतितोला २ हजार ५० रुपैयाँ पुगेको छ ।

तपाईको प्रतिक्रिया

सम्बन्धित शीर्षकहरु

सुनको मूल्य नयाँ रेकर्डमा

सुनको मुल्य एकैदिन प्रतितोला ५ हजार ३०० रुपैयाँले बढ्योे

सुनको मूल्य बढेर नयाँ रेकर्डमा, प्रतितोला झन्डै २ लाख रुपैयाँ

सुनको भाउ प्रतितोला १ लाख ८० हजार ३ पुग्यो

सुनको भाउ बढेर नयाँ रेकर्डमा, प्रतितोला १ लाख ७७ हजार रुपैयाँ