सुनको भाउ एकै दिन तोलामै ४ हजार रुपैयाँ घट्यो, चाँदीको पनि ५५ रुपैयाँ घट्यो

412 पटक पढिएको

२२ कात्तिक/अर्थ र व्यापार – संसारको सबैभन्दा शक्तिशाली देशको रुपमा रहेको अमेरिकी राष्ट्रपति निर्वाचनको मतपरिणाम सार्वजनिक भइसक्दा एकै दिन छापावाल सुनको मुल्य नेपाली बजारमा प्रतितोला ४ हजार रुपैयाँले घटेको छ ।
यसअघि अमेरिकी राष्ट्रपतिको निर्वाचनको परिणाम के कस्तो आउने भन्ने अन्योलकाबीच धमाधम सुन खरिदमा लगानी गरिरहेका उपभोक्ता सो निर्माचनको मतपरिणाम सार्वजनिक भएर ट्रम्प राष्टपतिमा पुनः निर्वाचित भएपछि बिहीबार नेपाली बजारमा एकैदिन यतिधेरै सुनको मुल्य घटेको हो ।
यसदिन नेपाली बजारमा सुनको कारोबार मूल्य प्रतितोला १ लाख ६४ हजार ५ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ ।
महासंघका अनुसार यसअघि ३ सय रुपैयाँ बढ्दा बुधबार सुन प्रतितोला १ लाख ६८ हजार ५ सय रुपैयाँ भएको थियो । लगातार बढेको सुनको मूल्यमा लामो समयपछि यस्तो गिरावट आएको हो । अघिल्लो दिन मंगलबार पनि सुनको मुल्य घटेर प्रतितोला १ लाख ६८ हजार २ सय रुपैयाँ थियो ।
गत साता मात्र नेपाली बजारमा छापावाल सुनको मूल्य अत्यधिक बढेर नयाँ कीर्तिमान कायम गर्दै प्रतितोला १ लाख ७० हजार ७ सय रुपैयाँसम्म पुगेको थियो ।
बिहीबार चाँदीको मुल्य पनि घटेर प्रतितोला १ हजार ९ सय ६० रुपैयाँमा झरेको छ । गत मंगलबार २ हजार ३० रुपैयाँ पुगेको चाँदीको कारोबार मूल्य बुधबार १५ रुपैयाँ घटेर प्रतितोलाको २ हजार १५ रुपैयाँ भएको थियो ।
अन्तर्राष्ट्रिय बजारमा बिहीबार सुन प्रतिऔंस २६ सय ६० दशमलब ११ डलरले कारोबार भइरहेको छ । बुधबार प्रति औंस २७ सय ४१ दशमलब ६८ डलर थियो । चाँदी ३२ दशमलब ३२ डलरबाट घटेर प्रतिऔंस ३१ दशमलब १४ डलर भएको छ ।

तपाईको प्रतिक्रिया

सम्बन्धित शीर्षकहरु

सुनको मुल्य एकैदिन प्रतितोला ५ हजार ३०० रुपैयाँले बढ्योे

सुनको मूल्य बढेर नयाँ रेकर्डमा, प्रतितोला झन्डै २ लाख रुपैयाँ

सुनको भाउ प्रतितोला १ लाख ८० हजार ३ पुग्यो

सुनको भाउ बढेर नयाँ रेकर्डमा, प्रतितोला १ लाख ७७ हजार रुपैयाँ

सुनको भाउ अकासिएर नयाँ रेकर्डमा, प्रतितोला १ लाख ७५ हजार २ सय पुग्यो

सुनको मूल्य अकासिएर नयाँ रेकर्डमा, प्रतितोला १ लाख ७४ हजार ५सय रुपैयाँ पुग्यो

सुनको मूल्यमा भारी गिरावट, प्रतितोला २७०० रुपैयाँले घट्यो

चीनमा राँगा–भैंसीको मासु निर्यात सम्झौता

आज पनि घट्यो सुनको भाउ, प्रतितोला १ लाख ६२ हजार २०० रुपैयाँ

सुनको मूल्य एकैदिन २४०० रुपैयाँले घट्यो, प्रतितोला १ लाख ६२ हजार ६ सय

फेरि प्रतितोला २ हजारले बढ्यो सुनको भाउ