३ साउन/अर्थ र व्यापार– आइतबारदेखि दराजको महाबचत बजार अभियान सुरु भएको छ । अभियान ९ गतेसम्म चल्ने छ । 
ग्राहकहरुका लागि बचत प्रवर्द्धन गर्नु यस अभियानको मुख्य उद्देश्य रहेको दराज कम्पनीले जनाएको छ ।

अभियान अन्तर्गत चार हजार सम्मको छुट, बैंक कार्ड वा आईएमई पे मार्फत अनलाइन प्री–पेमेन्टमा दुई हजारसम्मको छुट छ । 
साथै एक रुपैयाँमा आइफोन १२ जित्ने मौका, बम्पर उपहारमा म्याक बुक प्रो १३ जित्ने मौका, निःशुल्क डेलिभरी, निःशुल्क भौचर साथै थुप्रै अरु पुरस्कार जित्ने मौका रहेको कम्पनीले जनाएको छ ।

यस अभियानका लागि, नबिल बैंक, सानिमा बैंक, माछापुच्छ्रे बैंक र एनएमबी बैंकका कार्डवाहकहरूले प्री–पेमेन्टमा १५ प्रतिशत (एक हजार पाँच सयसम्म) को छुट पाउनेछन् । क्रेडिट कार्डवाहकहरूले कार्ड प्रि–पेमेन्टमा २० प्रतिशत (दुई हजारसम्म) छुट पाउनेछन् ।

यसैगरी, पहिलो पटक भिसा कार्ड मार्फत भुक्तानी गर्ने दराज ग्राहकहरूले २० प्रतिशत सम्मको छुट पाउन सक्नेछन् । साथै ग्राहकहरू आफ्नो आइएमइ पे खाता मार्फत प्रि–पेमेन्ट गरेर सबै खरिदमा २० प्रतिशत (एक हजारसम्म) छुट पाउन सक्नेछन् ।

बैंक कार्ड वा आफ्नो आइएमइ पे खाता प्रयोग गरी एक रुपैयाँ भुक्तानी गरी खेल एक रुपैयाँ’मा भाग लिने ग्राहकहरुले एक लाख ३३ हजार मूल्यको आइफोन १२ र ५० हजारको बालाजी हिराको झुम्का जस्ता पुरस्कार जित्न सक्नेछन् । जित नभएमा आफ्नो रकम फिर्ता हुने कम्पनीले जनाएको छ ।