चालु आवको पहिलो तीन महिनामा ५ खर्ब ४० अर्बको वैदेशिक व्यापार

848 पटक पढिएको

९ कात्तिक/अर्थ र व्यापार – चालु आर्थिक वर्ष २०८२/८३ को पहिलो त्रैमास गत साउन देखि असोजसम्ममा नेपालले ५ खर्ब ४० अर्ब ८६ करोड रूपैयाँ बराबरको अन्तर्राष्ट्रिय व्यापार गरेको छ ।
भन्सार विभागले सार्वजनिक गरेको तथ्यांक अनुसार गत आवको सोही अवधिको तुलनामा यस बर्ष २६ दशमलब ०४ प्रतिशतले धेरै वैदेशिक व्यापार भएको हो । गत आर्थिक वर्ष २०८१/८२ को असोजसम्ममा नेपालले कुल ४ खर्ब २९ अर्ब १३ करोड रूपैयाँको वैदेशिक व्यापार गरेको थियो ।
भन्सार विभागका अनुसार असोज मसान्तसम्ममा ४ खर्ब ६८ अर्ब रूपैयाँ बराबरको वस्तु आयात भएको छ । यो गत आवको तुलनामा १९ दशमलब ७९ प्रतिशतले बढी हो । यसैगरी, निर्यात व्यापार ७२ अर्ब ७८ करोड रूपैयाँ पुगेको छ । यो पनि गत वर्षको सोही अवधिको ३८ अर्ब ३७ करोड रुपैयाँको तुलनामा ८९ दशमलब ६४ प्रतिशतले बढी हो । आयात–निर्यात दुबै बढे पनि निर्यातमा आएको तीव्र वृद्धि कारण व्यापार घाटाको वृद्धिदर केही घटेको छ । असोजसम्म व्यापार घाटा ३ खर्ब ९५ अर्ब ३० करोड रुपैयाँ बराबर रहेको छ । सो रकम अघिल्लो वर्षको तुलनामा १२ दशमलब १८ प्रतिशतले बढी हो ।
भन्सार विभागको तथ्यांकलाई आधार मान्दा अन्तर्राष्ट्रिय व्यापारमा आयातको हिस्सा ४ दशमलब ९६ प्रतिशतले घटेर ८६ दशमलब ५४ प्रतिशतमा सीमित भएको छ । यसैगरी, निर्यातको हिस्सा ५० दशमलब ४७ प्रतिशतले बढेर १३ दशमलब ४६ प्रतिशत पुगेको छ । असोज महिनामा मात्र १ खर्ब ६३ अर्बको आयात र २५ अर्बको निर्यात भएको छ ।
नेपालमा सामान्यतया कुल निर्यातले पेट्रोलियम पदार्थको आयात समेत धान्न नसक्ने अवस्था रहँदै आएको विभागले जनाएको छ । तर, यस वर्षको पहिलो तीन महिनामा भने निर्यातले पेट्रोलियम आयातलाई ओभरटेक गरेको छ । असोजसम्म पेट्रोलियम पदार्थ आयातमा ६६ अर्ब ८७ करोड रुपैयाँ खर्च भएको छ । निर्यात ७२ अर्ब ७८ करोड रूपैयाँ पुगेको छ ।

तपाईको प्रतिक्रिया

सम्बन्धित शीर्षकहरु

क्वारेन्टाइनमा कडाइ गरेपछि भारतबाट आउने केराको आयात घट्यो

सरकारले ६ महिनामा दियो ५३ अर्ब ४० करोड कर छुट

पाँच महिनामै सवा खर्ब सार्वजनिक ऋण थपियो

नेपाल उद्योग वाणिज्य महासंघ र भियतनाम चेम्बरबीच सहकार्य हुने

देशभरका भन्सार कार्यालयको जाँचपास सेवा ठप्प

सरकारले तोक्यो उखुको खरिद मूल्य, प्रतिक्विन्टल ६२० रुपैयाँ

बैंक तथा वित्तीय संस्थालाई गैरबैंकिङ सम्पति बेच्न बाटो खुल्यो

४० अर्ब रूपैयाँ तरलता खिच्दै राष्ट्र बैंक

लगानी बोर्डद्धारा बेतन कर्णाली जलविद्युत् आयोजनाको ९३ अर्ब लगानी स्वीकृत