निगमले घटायो डिजेल र मट्टितेलको मूल्य, पेट्रोल र ग्यासको यथावत

134 पटक पढिएको

१६ भदौ/अर्थ र व्यापार – नेपाल आयल निगमले डिजेल र मट्टितेलको मूल्य ४/४ रूपैयाँले घटाएको छ । हाललाई पेट्रोल र खाना पकाउने एलपी ग्यासको मूल्य यथावत राखिएको निगमले जनाएको छ ।
खरितगर्ने बेलामा नै भारतीय आयल कर्पोरेशले मूल्य केही घटाएर पठाएका कारण नेपालमा पनि स्वचालित प्रणाली अनुसार मूल्य समायोजन गरिएको निगमले जनाएको छ । निगम सञ्चालक समितिको बैठकले सोमबार बिहान १ देखि लागू हुने गरी डिजेल/मट्टितेलमा प्रतिलिटर ४/४ रुपैयाँले मूल्य घटाएको हो ।
यसैगरी, इवाई इन्धन (आन्तरिकतर्फ) मा १ रुपैयाँ र हवाई इन्धन अन्तरराष्ट्रियतर्फ प्रतिकिलोलिटर अमेरिकी ७ डलरले घटाएको हो । पेट्रोल तथा एलपी ग्यासको बिक्री मूल्य भने यथावत् राखिएको छ । नयाँ बिक्री मूल्यअनुसार डिजेल÷मट्टितेलको खुद्रा बिक्री मूल्य प्रतिलिटर क्रमशः १ सय ४२ रुपैयाँ ५० पैसा, १सय ४४ रुपैयाँ र १ सय ४५ रुपैयाँ तोकिएको छ ।
यस्तै, आन्तरिकतर्फको हवाई इन्धनको मूल्य प्रतिलिटर १ सय २७ रुपैयाँ तोकिएको छ । हवाई इन्धन अन्तर्राष्ट्रियतर्फ काठमाडौँका लागि प्रतिकिलोलिटर अमेरिकी डलर ९ सय ६६ निर्धारण गरिएको निगमले जनाएको छ । इन्डियन आयल कर्पोरेसनबाट मूल्य घटेर आएकाले नेपाली बजारमा मूल्य समायोजन गरिएको निगमले स्पष्ट पारेको छ ।

तपाईको प्रतिक्रिया

सम्बन्धित शीर्षकहरु

दशैंका खसी, बोका र च्यांग्राको अनलाइन बुकिङ सुरु