१७ माघ /अर्थ र व्यापार  - हिमालयन बैंकले गत वर्षको यसै अवधिको तुलनामा बैंकको खुद नाफा २३.६२ प्रतिशत अर्थात २६ करोड ११ लाख रुपैयाँले नाफा कमाएको छ । चालू आर्थिक वर्षको दोस्रो त्रैमासमा एक अर्ब ३६ करोड ७० लाख रुपैयाँ खुद नाफा आर्जन गरेको छ । गत आवको यसै अवधिमा बैंकले एक अर्ब १० करोड ५८ लाख खुद नाफा कमाएको थियो ।

नेपाल फाइनान्सियल रिर्पोटङ स्टयाण्डर्ड (एनएफआरएस) रिर्पोट अनुसार वित्तीय विवरण अनुसार हिमालयन बैंकले एक अर्ब १६ करोड ११ लाख रुपैयाँ वितरण योग्य नाफा (फ्रि प्रोफिट) गरेको छ । राष्ट्र बैंकको रेगुलेटरी एड्जस्टमेन्टमा व्यवस्था गर्दा बैंकको फ्रि प्रोफिट खुद नाफा भन्दा २० करोड ५८ लाख रुपैयाँ घटेको छ ।

गत आवको पुस मसान्तको तुलनामा चालू आवको पुस मसान्तसम्ममा बैंकले एक ५ करोड ३२ लाख रुपैयाँले फ्रि प्रोफिट बढाएको हो । गत वर्षको दोस्रो त्रैमासमा बैंकको फ्रि प्रोफिट एक अर्ब १० करोड ७८ लाख रुपैयाँ थियो । एनएफआरएस रिर्पोट अनुसार रेगुलेटरी एड्जस्टमेन्ट पश्चात कायम हुने फ्रि प्रोफिट केन्द्रीय बैंकले तोकेको प्रावधान अनुसार तोकिएको शिर्षकहरुमा व्यवस्था गरेपछि बैंकले शेयरधनीलाई लाभांश वितरण गर्न सक्दछ ।

गत आवको नाफाबाट ५ प्रतिशत बोनस र १०.७९ प्रतिशत नगद लाभांश बाँडेको बैंकले चुक्ता पूँजीसँगै जगेडा कोष पनि मजबुत बन्दै गएको छ । यस त्रैमाससम्ममा हिमालयन बैंकले ८ अर्ब ११ करोड ४५ लाखबाट ८ अर्ब ५२ करोड २ लाख रुपैयाँ पुगेको छ ।
यसैगरि गत पुस मसान्तमा ४ अर्ब ६९ करोड ६५ लाख रुपैयाँ रहेको बैंकको जगेडा कोषको आकार ६ अर्ब ६ करोड ६० लाखमा बढेृको छ । यस अवधिमा बैंकले एक अर्ब ३६ करोड ९४ लाख रुपैयाँले जगेडा मजबुत बनाएको हो ।
यस अवधिमा बैंकको प्रतिशेयर आम्दानी करिब पाँच रुपैयाँले सुधार भएको छ । गत आवको पुस मसान्तसम्ममा २७ रुपैयाँ २६ पैसा रहेको बैंकको प्रतिशेयर आम्दानी ३२ रुपैयाँ ९ पैसा पुगेको हो । बैंकको प्रतिशेयर नेटवर्थ १७१ रुपैयाँ २० पैसा छ भने मूल्य आम्दानी अनुपात १७.६४ गुणा बढी छ । पुस मसान्तसम्ममा बैंकको निक्षेप संकलनमा भन्दा कर्जा लगानीको वृद्धिद्धर बढी छ । यस अवधिमा बैंकले निक्षेप १४.५४ प्रतिशतले वृद्धि गर्दा कर्जा लगानी रकम २०.४१ प्रतिशतले बढाएको हो ।

चालू आवको दोस्रो त्रैमासम्ममा एक खर्ब ६ अर्ब १० करोड ७३ लाख रुपैयाँ निक्षेप संकलन गरेको बैंकले ९८ अर्ब ८३ करोड ६६ लाख रुपैयाँ कर्जा परिचालन गरेको छ । बैंकले गत वर्षको सोही अवधिमा बैंकले ९२ अर्ब ६३ करोड ४९ लाख रुपैयाँ निक्षेप संकलन गरि ८२ अर्ब ८ करोड ५५ लाख रुपैयाँ कर्जा लगानी गरेको थियो ।

चालू आवको यस अवधिमा बैंकले खुद ब्याज आम्दानीमा उल्लेख्य सुधार भएको छ । यस अवधिमा बैंकले दुई अर्ब ४९ करोड ३४ लाख रुपैयाँ खुद ब्याज आम्दानी गरेको छ । यो गत वर्ष यसै अवधिको तुलनामा ३३.३७ प्रतिशत अर्थात ६२ करोड ३९ लाख रुपैयाँले धेरै हो । गत अवको प्रथम त्रैमासमा बैंकले एक अर्ब ८६ करोड ९५ लाख रुपैयाँ मात्र खुद ब्याज आम्दानी गरेको थियो ।
गत आर्थिक वर्षको दोस्रो त्रैमासको तुलनामा बैंकको निष्कृय कर्जा अनुपात यस त्रैमासमा घटेको छ । गत वर्षको यसै अवधिमा बैंकमा निष्कृय कर्जा अनुपात १.३२ प्रतिशत रहेकोमा १.२५ प्रतिशतमा झरेको हो ।