सनराइज बैंकको ७ लाख कित्ता सेयरमा लिलामी खुल्यो
८ असोज / अर्थ र व्यापार – सनराइज बैंकको हकप्रदमा अवितरित सर्वसाधारण र संस्थापक समूह गरि कुल ७ लाख १० हजार ७४३ कित्ता सेयर लिलामीमा आएको छ । बैंकको लिलामीको सेयरमा असोज ८ देखि २२ गतेसम्म आवेदन गर्न पाइनेछ । लिलामीको सेयर सकार्ने लगानीकर्ताले समेत बैंकले प्रस्ताव गरेको लाभांश पाउनेछन् ।
सनराइजले लिलामी गर्न लागेको सेयरमध्ये ७२ हजार ६१२ कित्ता संस्थापक र ६ लाख ३८ हजार १३१ कित्ता सर्वसाधारण तर्फको सेयर रहेको छ । बैंकले यसअघि जेठ १६ गतेदेखि असार १९ गतेसम्म १० बराबर तीनको अनुपातमा एक करोड ६३ लाख ५९ हजार ६३६ कित्ता हकप्रद सेयर बिक्री खुला गरेकोमा अवितरित सेयर लिलामी गर्न लागेको हो ।
लिलामीमा सेयर किन्न इच्छुक लगानीकर्ताले बैंकको बिक्री प्रवन्धक सनराइज क्यापिटलमा असोज २२ गतेसम्म शिलबन्दी बोलपत्र पेश गर्न सक्नेछन् । बोलपत्र पेश गर्दा प्रतिकित्ता न्यूनतम १०० रुपैयाँ वा सोभन्दा बढी मूल्य अंकित गरेर आवेदन गर्नुपर्नेछ ।
संस्थापकतर्फ न्यूनतम हजार कित्ता र साधारण समूहतर्फको लागि न्यूनतम १०० कित्ताका लागि आवेदन गर्नुपर्नेछ । अधिकतम कित्ताका लागि सिमा नतोकिएकोले १० ले भाग जाने गरी लिलामीमा आएका सबै कित्ताका लागि आवेदन दिन सकिनेछ ।
७ अर्ब एक करोड ७६ लाख रुपैयाँ चुक्ता पूँजी रहेको बैंकले गतबर्ष एक अर्ब १६ करोड ६९ लाख रुपैयाँ नाफा कमाएर प्रतिसेयर आम्दानी १६ रुपैयाँ ६६ पैसा कायम गरेको छ । बैंकको सेयर मंगलबार प्रतिकित्ता ३२१ रुपैयाँमा हाराहारीमा कारोबार भएको छ ।
चुक्ता पुँजी ८ अर्ब रुपैयाँ पुर्याउने क्रममा रहेको बैंकले १५ प्रतिशत बोनस सेयर दिने घोषणा गरिसकेको छ । बैंकले यो लिलामीको सेयर सकार्नेले पनि लाभांश पाउने जनाएको छ । बोनसपछि सनराइजको चुक्ता पुँजी ८ अर्ब १५ करोड पुग्नेछ । बोलपत्र बिक्री प्रबन्धकको कार्यालय कमलपोखरीमा असोज २३ गते दिउँसो १ बजे खोलिने छ ।
सम्बन्धित शीर्षकहरु
मुख्य खबर
जेनजी पुस्ताको प्रदर्शन थप चर्किएपछि विद्यार्थीलाई विद्यालयमै राख्न र कर्मचारीलाई कार्यालयमै बस्न प्रशासनको आग्रह
जेनजी पुस्ताको प्रदर्शन थप चर्किएपछि जिल्ला प्रशासन कार्यालय काठमाडौंले विद्यालयमा रहेका विद्यार्थीलाई विद्यालयमै ‘होल्ड’ गर्न आग्रह गरेको छ । प्रहरीको गोलीप्रहार र दमनपछि आन्दोलन थप
भ्रष्टाचार र कुशासन बिरूद्ध जेनजी पुस्ताको बेजोड प्रदर्शन
भ्रष्टाचार र कुशासनलाई लिएर आफूविरुद्धको आक्रोश दबाउन सरकारले सामाजिक सञ्जाल बन्द गरेपछि त्यसको विरोधमा जेनजी पुस्ता अभूतपूर्वरुपमा सडकमा ओर्लिएर प्रदर्शन गरिरहेका छन् ।
१९ खर्ब ६४ अर्ब ११ करोडको बजेट प्रस्तुत
अर्थमन्त्री विष्णु प्रसाद पौडेलले आगामी आर्थिक वर्ष २०८२/८३ का लागि १९ खर्ब ६४ अर्ब ११ करोड बराबरको बजेट सार्वजनिक गरेका छन् ।
१८ औं गभर्नरमा प्रा.डा. विश्वनाथ पौडेल नियुक्त
नेपाल राष्ट्र बैंकको १८ औं गभर्नरमा प्रा.डा विश्वनाथ पौडेल नियुक्त भएका छन् । मंगलबार बसेको मन्त्रिपरिषद् बैठकले प्रा.डा विश्वनाथ पौडेललाई नेपाल राष्ट्र बैंकको १८ औं गभर्नर नियुक्त गरेको सरकारका प्रवक्ता
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया