एनआईसी एशिया क्यापिटलको ५० प्रतिशत नगद लाभांश पारित

86 पटक पढिएको

१८ भदौ/अर्थ र व्यापार – एनआईसी एशिया क्यापिटल लिमिटेडको नवौं वार्षिक साधारण सभा बुधबार क्यापिटलको रजिष्टर्ड कार्यालय थापाथलीमा सम्पन्न भएको छ ।
साधारण सभाले सामान्य प्रस्ताव अन्तर्गत आर्थिक वर्ष २०८१/०८२ को सञ्चालक समितिको प्रतिवेदन पारित गर्नुका साथै असार मसान्त सम्मको वासलात, नाफा नोक्सान हिसाव तथा नगद प्रवाह विवरण लगायत वार्षिक वित्तीय विवरण उपर छलफल गरी पारित गरेको छ ।
सो साधारण सभाबाट सञ्चालक समितिले प्रस्ताव गरे बमोजिम चुक्ता पूँजीको ५० प्रतिशत (कर सहित) का दरले नगद लाभांश वितरण गर्ने प्रस्ताव समेत पारित गरेको छ । साधारण सभामा सञ्चालक समितिको अध्यक्ष सन्तोष कुमार राठीले २० करोड चुक्ता पूँजी भएको क्यापिटलले समीक्षा अवधिमा ३० करोड ६० लाख रूपैयाँ भन्दा बढी आम्दानी गरी ११ करोड ६४ लाख भन्दा बढी खुद मुनाफा आर्जन गर्न सफल भएको जानकारी गराए ।
यसैगरी, व्यवसाय तर्फ असार मसान्तसम्म ८ लाख डिम्याट खाता खोल्न सफल भएको, म्युचुअल फन्ड सेवा अन्तर्गत ४ वटा बन्दमुखी र एउटा खुलामुखी योजना गरी जम्म ५ वटा योजना मार्फत ५ अर्ब ४५ करोड रूपैयाँ भन्दाबढी रकम व्यवस्थापन गर्न सफल भएको छ ।
त्यस्तै, लगानी व्यवस्थापन सेवा अन्तर्गत ७ सय २० जना ग्राहकबाट २ अर्ब ७० करोड रूपैयाँ भन्दा बढीको रकम व्यवस्थापन गर्न सफल भएको सो क्यापिटलले जनाएको छ ।
शेयर रजिष्ट्रार सेवा अन्तर्गत २३ वटा कम्पनीलाई सेवा उपलब्ध गराइरहेको तथा आइडिया टु आइपिओ सेवाअन्तर्गत १७ वटा कम्पनीको निष्काशन कार्य सम्पन्न गरिसकेको अध्यक्ष राठीले जानकारी गराए । साथै क्यापिटलले नवौं वार्षिक साधारण सभामा प्रस्ताव गरेको लाभांश सहित आफ्ना शेयरधनीलाई हालसम्म २ सय ९० प्रतिशत रिर्टन वितरण गर्न सफल भएको जनाएको छ ।

तपाईको प्रतिक्रिया

सम्बन्धित शीर्षकहरु

एभरेष्ट बैंकको सीइओमा पुनः खालिङ नियुक्त

प्रभु बैंकका ग्राहक र कर्मचारीले ल्यान्डमार्क होटलमा छुट पाउने