बैंक तथा वित्तीय संस्थाहरूले फेरि घटाए ब्याजदर

121 पटक पढिएको

३२ असार /अर्थ र व्यापार – बैंक तथा वित्तीय संस्थाहरुले फेरि निक्षेपको ब्याजदर घटाएका छन्। १ साउनदेखि लागू हुनेगरि वित्तीय संस्थाहरुले ब्याजदर घटाएका हुन् ।
नेपाल राष्ट्र बैंकले आगामी आर्थिक वर्षको मौद्रिक नीतिमार्फत नीतिगत दर घटाएसँगै बैंकले साउन महिनामा निक्षेपको ब्याजदर घटाएका हुन् । राष्ट्र बैंकले ब्याजदर करिडोरको तल्लो सीमाको रुपमा रहेको निक्षेप संकलन दर ३ प्रतिशतलाई २.७५ प्रतिशतमा झारेसँगै बैंकहरु बचत र छोटो अवधिको मुद्दतीको ब्याजदर २.७५ प्रतिशतमा झारेका छन् ।
यसअघि निक्षेप संकलन दर ३ प्रतिशत हुँदा बैंक तथा वित्तीय संस्थाहरुले ब्याजदर ३ प्रतिशत तल आउन सकेको थिएन । जसकालागि ब्याजदरको नयाँ सूची बैंकहरुले बुधबार प्रकाशित गरेका छन् ।
राष्ट्र बैंकले ब्याजदर करिडोरको माथिल्लो सीमाको रुपमा रहेको बैंकदर र नीतिगत दर ०.५० प्रतिशत विन्दु तथा निक्षेप संकलन दरलाई ०.२५ प्रतिशत विन्दुका दरले घटाएको छ । जसले गर्दा बैंक तथा वित्तीय संस्थाहरुले बचत र मुद्दती निक्षेपको न्यूनतम २.७५ प्रतिशत झारेका छन्।
वित्तीय संस्थाहरुले घटाएको निक्षेपको ब्याजदर लागत कम भइ आधार दर घटेर कर्जा अझै सस्तिने छ । जेठ मसान्तसम्म वाणिज्य बैंकहरुको कर्जाको औसत ब्याजदर ७.९९ प्रतिशत छ । पछिल्लो दुई डेढ वर्षदेखि बैंक तथा वित्तीय संस्थाहरुले ब्याजदर घटाउदै आइरहेका छन्।

तपाईको प्रतिक्रिया

सम्बन्धित शीर्षकहरु