१२ चैत/अर्थ र व्यापार – ग्लोबल आइएमई बैंकले आफ्ना १११ वटा शाखा कार्यालयमार्फत एकसाथ वित्तीय साक्षरता कार्यक्रम संचालन गरेको छ।
बैंकले वित्तीय पहुँचबाट बाहिर रहेका लक्षित वर्ग पहिचान गरी संस्थागत सामाजिक उत्तरदायित्व अन्तर्गत वित्तीय साक्षरता कार्यक्रम संचालन गरेको हो।
कार्यक्रममा बचत, कर्जा, रेमिटेन्स, डिजिटल बैंकिङ, बीमा, लगानी, अतिरिक्त बैंकिङ, वित्तीय ठगी र वित्तीय अनुशासनसम्बन्धी विषयवस्तुमा जानकारी गराइएको सो बैंकले जनाएको छ।
ग्लोेबल मनी विकको अवसर पारेर देशव्यापी रुपमा आयोजना गरिएको कार्यक्रमबाट १४ हजारभन्दा बढी नागरिक लाभान्वित भएको सो बैंकले जनाएको छ । यस बैंकका देशभर ३५४ वटा शाखा कार्यालय छन्।