१७ बैशाख/अर्थ र व्यापार – नेपाल राष्ट्र बैंकको चालु आर्थिक वर्ष २०७९/८० लाई विद्युतीय भुक्तानी कारोबार प्रवद्र्धनको रुपमा मनाउने अभियानसँगै मुक्तिनाथ विकास बैंकले आफ्ना सबै शाखा कार्यालयहरु र केन्द्रीयकार्यालयका कर्मचारीहरुका साथ दुईदिन वित्तीय साक्षरता कार्यक्रम सम्पन्न गरेको छ ।
शुक्रबार र शनिबार ग्राहकहरुमा वित्तीय साक्षरता पुराउन र बैंकिङ्ग सेवा, सुविधाहरुको जानकारी दिन आफ्नो देशभर बृहत वित्तीय साक्षरता,विद्युतीय भुक्तानी कारोबार प्रवद्र्धन तथा घर दैलो कार्यक्रम सम्पन्न गरेको सो बैंकले जनाएको छ ।
बैंकको बृहतवित्तीय साक्षरता, विद्युतीय भुक्तानी कारोबार प्रवद्र्धन तथा घर दैलो कार्यक्रमको आयोजना भने देशभरका विभिन्न विद्यालयहरु ÷ कलेजहरु,समुदाय केन्द्रहरु तथा अन्य सार्वजजिक स्थलमा गरिएको थियो । ‘जनता बैंकमा हैन बैंक जनतामा जानुपर्दछ’ भन्ने मुल नारा बोकेको यस बंैकले आफ्नोे नारालाई मनन् गर्दै यो कार्यक्रम आयोजना गरेको हो ।
बैंकले आयोजना गरेको सो कार्यक्रममा बैंकका अध्यक्ष, सञ्चालक समितिका सदस्यहरु, प्रमुख कार्यकारी अधिकृत, उच्च व्यवस्थापन सहित अन्य सम्पूर्ण कर्मचारीहरु र केही संस्थापक शेयरधनीहरुको सहभागीता रहेको थियो ।
यसरी वित्तीय साक्षरता तथा घर दैलो कार्यक्रममा बैंकले विधार्थीहरु, जनमानस तथा ग्राहकहरुमा बैंकका विभिन्न सेवाका बारे घरमैमा गएर वा एक स्थान बाटै जानकारी गराउँदा उपस्थित सबै सहभागीहरुले बैंकिङ्ग सेवा तथा विद्युतीय भुक्तानी कारोबार प्रवद्र्धन सम्बन्धी जानकारी पाउने अपेक्षा गरिएको सो बैंकले जनाएको छ । यसबाट बैंकको नाममात्र नभई बैंकिङ क्षेत्रको बारेमा पनि साक्षरता बढ्ने सो बैंकले जनाएको छ ।
बैंकले डिजिटल कारोबारलार्ई प्रोत्साहनगर्न यस बैंकको एटिएम कार्ड प्रयोग गरी नेपालभरी रहेको भिसा नेटवर्क मा आवद्ध अन्य जुनसुकै बैंकको एटिएम मेसिनबाट निशुल्क रकम झिक्न सकिने व्यवस्था गरेको छ ।
यसैगरी, प्रिपेड डलर कार्ड ,मोबाईल बैंकिङ्ग, क्यूआर कोड, अनलाईन कर्जा आवेदन, अनलाईन खाता खोल्ने, ईन्टरनेट बैंकिङ्ग, खाता मै रेमिट्यान्स जम्मा तथा मिस्डकल बैंकिङ्ग (बचत सेवा र कर्जा सेवाको लागि बैंकको हटलाइन जस्ता सेवाहरु प्रयोग गर्न सो बैंकले आफ्ना ग्राहकहरुलाई आग्रह गरेको छ ।