विमान मर्मतमा ढिलाइले निगमको उडान तालिका चौपट, ६ वटा उडान रद्द गर्नुपर्दा एक सातामै गुम्यो ७ करोड
९ असोज/अर्थ र व्यापार – राष्ट्रिय ध्वजाबहाक नेपाल वायु सेवा निगमको ग्राउन्डेड ९ एन–एकेएक्स कलसाइनको न्यारोबडी विमान मर्मतमा भएको ढिलाइले अहिले निगमको उडान तालिका व्यवस्थापन नै चौपट भएको छ ।
सो विमानको इन्जिन जडानका क्रममा थप बिग्रिएपछि निगमको पूर्व निर्धारित अन्य नियमित उडान तालिका नै विग्रिएर चौपट बन्न पुगेको हो ।
इन्जिन जडान गरी सो विमान शुक्रबार आइसक्ने व्यवस्थापनको जानकारीका आधारमा निगमको व्यापार विभागले शनिबारदेखि नै उडानको तालिका बनाएको थियो । उसले न्यारोबडी विमानका लागि यो साता ६ वटा उडान तय गरेको थियो ।
तर, एक साताअघि इन्जिन जडानका लागि इजरायल पठाइएको विमान थप बिग्रिएको छ। जसका कारण इन्जिन जडान हुन सकेको छैन । इन्जिन जडानका लागि मर्मत गर्नुपर्नेछ।
तर, मर्मतका लागि कति समय लाग्छ भनेर इजरायल एरोस्पेस इण्डस्ट्रीले भनेको छैन। जसका कारण यो साताका लागि तय उडान रद्द गरिएका छन्। ६ वटा उडान रद्द गरिंदा निगमले ७ करोड रुपैयाँ आम्दानी गुमाउनुपरेको छ ।
‘हामीलाई विमान शुक्रबार नै काठमाडौं आइपुग्ने जानकारी दिइएको थियो । त्यहीअनुसार त्यो विमानका लागि हामीले विभिन्न गन्तव्यमा उडान तालिका बनायौं । तर, भनेभन्दा ५ दिन बितिसक्दा पनि विमान कहिले आउँछ भन्ने टुंगो छैन। जसका कारण उडान रद्द गर्नुप¥यो। यसबाट एक सातामै ७ करोड रुपैयाँ आम्दानी गुमाउनुपर्ने स्थिति आयो’ निगमका एक उच्च अधिकारीले भने।
इन्जिनमा आएको समस्याले तीन महिनादेखि सो विमान ग्राउण्डेड छ । यो अवधिमा निगमले एक अर्ब रुपैयाँ भन्दा बढी आम्दानी गुमाइसकेको छ । निगमले मर्मतको ठेक्का दिइसकेको अवस्थामा अन्तिममा आएर इन्जिन भाडामा लिने निर्णय गरेको थियो । सो विमान मर्मतको ठेक्का दिइएको र भाडाको इन्जिनका लागि सम्झौता गरिएको कम्पनी एउटै हो।
सम्बन्धित शीर्षकहरु
मुख्य खबर
१९ खर्ब ६४ अर्ब ११ करोडको बजेट प्रस्तुत
अर्थमन्त्री विष्णु प्रसाद पौडेलले आगामी आर्थिक वर्ष २०८२/८३ का लागि १९ खर्ब ६४ अर्ब ११ करोड बराबरको बजेट सार्वजनिक गरेका छन् ।
१८ औं गभर्नरमा प्रा.डा. विश्वनाथ पौडेल नियुक्त
नेपाल राष्ट्र बैंकको १८ औं गभर्नरमा प्रा.डा विश्वनाथ पौडेल नियुक्त भएका छन् । मंगलबार बसेको मन्त्रिपरिषद् बैठकले प्रा.डा विश्वनाथ पौडेललाई नेपाल राष्ट्र बैंकको १८ औं गभर्नर नियुक्त गरेको सरकारका प्रवक्ता
२५ बुँदे घोषणापत्र जारी गर्दै सगरमाथा संवाद २०२५ सम्पन्न
२५ बुँदे घोषणापत्र जारी गर्दै ‘सगरमाथा संवाद २०२५’ सम्पन्न भएको छ । सो कार्यक्रम समापनसँगै नेपालले जलवायु परिवर्तन, हिमाली क्षेत्रको संरक्षण र मानव भविष्यका लागि २५ बुँदे घोषणापत्र सार्वजनिक गरेको हो ।
तीनकुनेमा राजावादीको प्रदर्शन: प्रहरी र प्रदर्शनकारीबीच झडप, क्षणभरमै रणमैदान
काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया