सामान्य अंकले घट्यो सेयर बजार

70 पटक पढिएको

३ असार/अर्थ र व्यापार – यस साताको तेस्रो कारोबार दिन मंगलबार सेयर बजार परिसूचक नेप्सेसँगै कारोबार रकम पनि घटेको छ । अघिल्लो दिनको तुलनामा नेप्से परिसूचक ३ दशमलब ९० अंकले घटेर २६ सय ५४ दशमलब ७५ विन्दुमा कायम भएको छ । अघिल्लो दिनको तुलनामा कारोबार रकम पनि धेरै घटेको छ ।
अघिल्लो दिन १३ अर्ब १८ करोडको कारोबार भएकोमा यसदिन जम्मा ७ अर्ब ६५ करोड रुपैयाँको सेयर कारोबार भएको छ । यसदिन १ सय ४८ वटा कम्पनीको सेयरमूल्य घटेको छ । ९९ वटा कम्पनीको सेयरमूल्य बढेको छ । यस दिन माइक्रोफाइनान्स उपसमूहमा बढी आकर्षण देखिएको छ । सो उपसमूहको सेयरमूल्य १ दशमलब १० प्रतिशतले बढेको छ ।
त्यस्तै हाइड्रोपावर उपसमूहको २७ प्रतिशत र व्यापार उपसमूहको शून्य दशमलब ११ प्रतिशतले बढेको छ । यीबाहेक सबै उपसमूहको सूचक घटेको छ । बैंकिङ उपसमूहको शून्य दशमलब ४५ प्रतिशत, विकास बैंक उपसमूहको शून्य दशमलब २० प्रतिशत, फाइनान्स उपसमूहको शून्य दशमलब ४९ प्रतिशत, होटल तथा पर्यटन उपसमूहको १ दशमलब ५८ प्रतिशत, लगानी उपसमूहको शून्य दशमलब ४३ प्रतिशतले घटेको छ ।
जीवन बीमा उपसमूहको शून्य दशमलब ४७ प्रतिशत, उत्पादन तथा प्रशोधन उपसमूहको शून्य दशमलब १४ प्रतिशत, निर्जीवन बीमा उपसमूहको शून्य दशमलब २५ प्रतिशत र अन्य उपसमूहको शून्य दशमलब १५ प्रतिशतले सेयरमूल्य घटेको छ ।
पियोर इनर्जीको सेयरमूल्य १० प्रतिशतले बढेको छ । त्यस्तै बुटवल पावरको ७ दशमलब ७३ प्रतिशत, सामुदायिक लघुवित्तको ७ दशमलब १३ प्रतिशत, अपरहेवाखोलाको ५ दशमलब २८ प्रतिशत र विन्ध्यबासिनी हाइड्रोपावरको ५ दशमलब १६ प्रतिशतले बढेको छ ।
गार्डियन माइक्रोलाइफ इन्स्योरेन्सको ४ दशमलब ६२ प्रतिशत, नारायणी डेभलपमेन्ट बैंकको ३ दशमलब ९४ प्रतिशत , सिन्धु विकास बैंकको ३ दशमलब ७७ प्रतिशत र क्रेस्ट माइक्रोलाइफ इन्स्योरेन्सको ३ दशमलब २१ प्रतिशतले सेयर मूल्य घटेको छ ।
धेरै कारोबार भएका पाँच कम्पनीहरूमा सानिमा माइ हाइड्रोपावर, बुटवल पावर, ङयादी ग्रुप, राधि विद्युत् र सोल्टी होटल क्रमशः अगाडि रहेको छ ।

तपाईको प्रतिक्रिया

सम्बन्धित शीर्षकहरु