अब अस्थायी र करार कर्मचारी पनि सामाजिक सुरक्षा योजनामा सहभागी हुन पाउने

217 पटक पढिएको

२ बैशाख/अर्थ र व्यापार – सरकारी निकायमा कार्यरत अस्थायी, करार कर्मचारीहरु पनि अब सामाजिक सुरक्षा योजनामा सहभागी हुन पाउने भएका छन् । श्रम रोजगार तथा सामाजिक सुरक्षा मन्त्रालयका निमित्त सचिव डण्डुराज घिमिरेका यस्तो व्यवस्था गरिएको जानकारी गराएका हुन् ।
घिमिरेका अनुसार नयाँ वर्ष –२०८२ को पहिलो दिन राजपत्रमा यस्तो व्यवस्था सम्बन्धी सूचना प्रकाशित गरिएको छ । यो नयाँ व्यवस्था बमोजिम सरकारी कोष, नेपाल सरकार, प्रदेश सरकार वा स्थानीय तहको पूर्ण वा आंशिक स्वामित्व भएका संस्थान, निगम, बोर्ड, प्राधिकरण, प्रतिष्ठानमा कार्यरतले सो योजनामा सहभागी हुन पाउने उनले जानकारी दिए । सामाजिक सुरक्षा कोषमा योगदानकर्ताका रुपमा सूचीकृत गरी त्यस्ता निकायमा कार्यरत कर्मचारीले खाइपाई आएको तलबको कम्तीमा ६० प्रतिशतलाई आधारभूत तलब मानेर सो योजनामा सहभागी हुन पाउने प्रबन्ध गरिएको छ ।
जसमा २० प्रतिशत रोजगारदाताले र ११ प्रतिशत योगदानकर्ताले जम्मा गर्नुपर्नेछ । सामाजिक सुरक्षा ऐन– २०७४ र सामाजिक सुरक्षा नियमावली– २०७५ बमोजिम सो निर्णय भएको नेपाल सरकारद्धारा प्रकाशिच राजपत्रको सूचनामा उल्लेख छ ।
गत १५ चैतमा सो निर्णय भएको भए पनि नयाँ वर्षको पहिलो दिन राजपत्रमा सूचना प्रकाशित भएसँगै कार्यान्वयनमा गएको छ । यसबाट सरकारी निकायका कार्यरत अस्थायी, ज्यालादारी कर्मचारीले राहत पाउने छन् ।

तपाईको प्रतिक्रिया

सम्बन्धित शीर्षकहरु

आवेदन दिएकै दिन श्रम स्वीकृति प्रदान गरिने

संघद्धारा वैदेशिक रोजगारीका समस्याबारे विभागका महानिर्देशक भट्टराईको ध्यानाकर्षण

भाषा परिक्षा पास भएर बसेकाहरुले ईपीएस कोरिया शाखामा दिए धर्ना

४० प्रतिशत रोजगारदाताले श्रमिकसँग सम्झौता नगरेको र २३ प्रतिशतले न्यूनतम तलब दिँदैनन् : जिफन्ट

नीति तथा कार्यक्रम र बजेटमा श्रमिकलाई अधिकार सम्पन्न बनाउनुपर्नेमा जोड

नेपाल एसबिआई बैंकका ग्राहकलाई रिसोर्टमा विशेष छुट

अब वैदेशिक रोजगारीबाट फर्केका श्रमिकको स्वास्थ्य परीक्षणका लागि शहीद धर्मभक्तमा बेग्लै वार्ड