चोभार–सतुंगल खण्डका १४ हजार ७ सय कित्ता जग्गा रोक्का हुँदै
२३ जेठ / अर्थ र व्यापार-बाहिरी चक्रपथ निर्माण क्षेत्रमा पर्ने जग्गाप्राप्तिको प्रक्रिया बाहिरी चक्रपथ विकास आयोजनाले सुरु गर्ने भएको छ । पहिलो चरणअन्तर्गत चोभार–सतुंगल खण्डको ६ दशमलव ६ सय १८ किलोमिटर लम्बाइ क्षेत्रमा जेठ महिनाभित्रै अधिग्रहणमार्फत जग्गाप्राप्ति प्रक्रिया सुरु गर्न लागिएको आयोजना छ । त्यसका लागि सार्वजनिक सूचनामार्फत जग्गा रोक्का गर्ने काम केही दिनभित्रै हुँदै छ ।
आयोजनाले सार्वजनिक गर्ने सूचनापछि उक्त क्षेत्रको ७ हजार ८ सय रोपनी जग्गा खरिद–बिक्री र पूर्वाधार निर्माणमा रोक लाग्नेछ । जग्गाको कित्ताकाट गर्न पाइने छैन । आयोजना कार्यालयले संकलन गरेको तथ्यांकअनुसार उक्त क्षेत्रमा अहिले कुल १४ हजार ७ सय कित्ता जग्गा रहेको छ ।
यसअघि १५ जेठमा आयोजनाको चोभार सतुंगल खण्डको निर्माण कार्य जग्गा एकीकरणको माध्यमबाट गर्ने गरी भौतिक विकास योजना स्वीकृत गरिएको सूचना प्रकाशित भइसकेको छ । काठमाडौं उपत्यका विकास प्राधिकरण ऐन, २०४५ को दफा ५ बमोजिम राजपत्रमार्फत नै चार किल्ला तोकिसकिएको छ । जग्गा अधिग्रहणपूर्वका प्रक्रिया करिब सम्पन्न भइसकेको छ । त्यस्तै, सहरी विकास मन्त्रालयले १३ वैशाखमा बाहिरी चक्रपथको सतुंगल–चोभार खण्डको विस्तृत आयोजना प्रतिवेदन गरेको थियो ।
जग्गाप्राप्तिका लागि अधिग्रहण प्रक्रियालाई सहज बनाउन आयोजना व्यवस्थापन पक्षले चोभारदेखि सतुंगलसम्मको बाहिर चक्रपट खण्डलाई ६ वटा ब्लकमा विभाजन गरिएको छ । तिनीहरूमा चोभार, भत्केको पाटी, मच्छेगाउँ, सतुंगल, गर्जुधारा, धवलागिरि आवास रहेका छन् । प्रत्येक ब्लकलाई १ किलोमिटरको औसतमा विभाजन गरिएको छ । नमुना आयोजनाका रूपमा कार्यान्वयन प्रक्रिया थालिएको यस खण्ड निर्माण गर्नका लागि ६ अर्ब ३० करोड रुपैयाँ अनुमानित लागत अनुमान गरिएको छ । ०६५ सालमा यस खण्डको लागत २ अर्ब ९ करोड रुपैंयाँ अनुमान गरिएको थियो ।
अधिग्रहणपछि जग्गा एकीकरण प्रक्रिया माध्यमद्वारा बाहिरी चक्रपथको अधिकार क्षेत्रका लागि आवश्यक पर्ने जग्गाको व्यवस्था गरिनेछ । चक्रपथको दुवैतर्फको करिब २ सय ५० मिटर क्षेत्रमा योजनाबद्ध तथा व्यवस्थित सहरी विकास गरिने आयोजनाको विस्तृत आयोजना प्रतिवेदनमा पनि उल्लेख छ ।
सम्बन्धित शीर्षकहरु
मुख्य खबर
१९ खर्ब ६४ अर्ब ११ करोडको बजेट प्रस्तुत
अर्थमन्त्री विष्णु प्रसाद पौडेलले आगामी आर्थिक वर्ष २०८२/८३ का लागि १९ खर्ब ६४ अर्ब ११ करोड बराबरको बजेट सार्वजनिक गरेका छन् ।
१८ औं गभर्नरमा प्रा.डा. विश्वनाथ पौडेल नियुक्त
नेपाल राष्ट्र बैंकको १८ औं गभर्नरमा प्रा.डा विश्वनाथ पौडेल नियुक्त भएका छन् । मंगलबार बसेको मन्त्रिपरिषद् बैठकले प्रा.डा विश्वनाथ पौडेललाई नेपाल राष्ट्र बैंकको १८ औं गभर्नर नियुक्त गरेको सरकारका प्रवक्ता
२५ बुँदे घोषणापत्र जारी गर्दै सगरमाथा संवाद २०२५ सम्पन्न
२५ बुँदे घोषणापत्र जारी गर्दै ‘सगरमाथा संवाद २०२५’ सम्पन्न भएको छ । सो कार्यक्रम समापनसँगै नेपालले जलवायु परिवर्तन, हिमाली क्षेत्रको संरक्षण र मानव भविष्यका लागि २५ बुँदे घोषणापत्र सार्वजनिक गरेको हो ।
तीनकुनेमा राजावादीको प्रदर्शन: प्रहरी र प्रदर्शनकारीबीच झडप, क्षणभरमै रणमैदान
काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया