९ फागुन /अर्थ र व्यापार - साताको अन्तिम दिन बिहिबार नेप्सेमा झिनो अंकको सुधार आएको छ । बिहिबार नेप्से ०.८४ अंकले बढेर १११३.०७ बिन्दुमा पुगेको छ । यस दिन १५५ कम्पनीका ४ लाख ७५ हजार ७६६ कित्ता शेयर खरिद बिक्री भएर १६ करोड ४४ लाख रुपैयाँ बराबरको कारोबार भयो । यो बुधबारको तुलनामा करिब १७ लाख रुपैयाँले कम हो । बुधबार १६ करोड ६१ लाख रुपैयाँ बराबरको कारोबार भएको थियो ।

आज कारोबारमा आएका १० समुह मध्ये ७ समुहको सुचक सकारात्मक हुदाँ ३ समुहको सुचक ऋणत्मक देखिए । यस दिन सबै भन्दा धेरै निर्जीवन बीमा समुहको सुचक १०.०४ अंकले बढेको छ । व्यापार २.७, जीवन बीमा १.७८, वाणिज्य बैंक १.३२, अन्य १.३१, फाइनान्स ०.७८ र विकास बैंकको सुचक ०.०२ अंकले उकालो लागेका हुन् ।

उत्पादन तथा प्रशोधन समुहको सुचक भने सबै भन्दा धेरै १२.८ अंकले ओरालो लागेको छ । यस्तै माइक्रोफाइनान्स २.५८ र हाइड्रोपावर १.०७ अंकले घटेका छन् । यस दिन चौतारी लघुवित्तको उच्च कारोबार भएको छ । लघुवित्तको २ करोड ५० लाख रुपैयाँ बराबरको कारोबार भएको छ । यस्तै नबिल बैंकको १ करोड ३९ लाख रुपैयाँ कारोबार हुदाँ कुनै कम्पनीको कारोबार रकम करोड नाघ्न सकेन् । चौतारी लघुवित्त कम्पनीका शेयरधनीहरुले आजको कारोबारवाट सबै भन्दा धेरै बढी कमाएका छन् । चौतारीका शेयरधनीहरुले ९.८७ प्रतिशतले कमाएका हुन् ।

गुराँस लाइफ, वोमि माइक्रोफाइनान्स, युनाइटेड मोदी हाइड्रोपावर, वल्र्ड मर्चेन्ट फाइनान्स, प्राइम लाइफ, प्रभु इन्स्योरेन्स र सिभिल बैंकको शेयर मूल्य २ प्रतिशत भन्दा बढीले बढेका छन् । यता हिमालयन डिस्टिलरीको शेयर मूल्य सबै भन्दा धेरै घटेको छ । डिस्टिलरीको शेयर मूल्य ३.९० प्रतिशतले घटेको हो । यस्तै एक्सल डेभलपमेन्ट बैंकको पनि शेयर मुल्य ३.४९ प्रतिशतले घटेको छ । सुर्योदय लघुवित्त, अपि पावर, विजया लघुवित्त, स्वादेशी लघुवित्त, रिडी हाइड्रोपावर, रैराङ्ग हाइड्रोपावर, नेरुडे लघुवित्तका शेयरधनीहरुले आजको कारोबारबाट १ प्रतिशत भन्दा बढीले गुमाएका छन् ।

प्रभु इन्स्योरेन्स, मिर्मिरे लघुवित्त, सुर्या लाइफ इन्स्योरेन्स, प्राइम लाइफ इन्स्योरेन्स, कामना सेवा विकास बैंक, नगबेली लघुवित्त र कर्पोरेट डेभलपमेन्ट बैंकको शेयर मूल्य ४ प्रतिशत भन्दा बढीले घटेको छ ।