२९ श्रावण / अर्थ र व्यापार- ट्रेकिङ एजेन्सिज एशोशियसन अफ नेपाल (टान) को आगामी भाद्र २० (सेप्टेम्वर ६) का दिन आयोजना हुने निर्वाचनमा मिसन नेपाल होलिडेज प्रा.लि.का प्रबन्ध निर्देशक तथा सफल युवा पर्यटन व्यवसायी दामोदर ढकालले महासचिव पदमा उम्मेदवारी दिने वताएका छन । “टानको अवस्था गतिशिल देखिँदैन, यसप्रति व्यवसायीहरुको विश्वास घट्दै गएको छ, त्यसलाई उकास्न नै मैले टानको महासचिव पदमा उम्मेदवारी दिने सोच वनाएको हुँ”–महासचिव पदका आकांक्षी ढकालले अर्थ र व्यापारलाई वताए ।

विं.सं. २०५३ सालवाट नेपालको पर्यटन व्यवसायमा प्रवेश गरेका ढकालले स्नातक सम्मको अध्ययन पुरा गरेका छन । टानले हाल ठूला र साना दुवै थरिका पदयात्रा पर्यटन व्यवसायीहरुको आवश्यकता र चाहना अनुसार सरकारसंग लविईङ र व्यवसायको हितका पक्षमा काम गर्न आवश्यक रहेको त्यसका लागी आँफु सक्षम रहेको उनले वताए । आँफुलाई पदयात्रा पर्यटन क्षेत्रका अग्रज,पूर्वअध्यक्षहरु र समकालिन र युवा व्यवसायीहरुले समेत टानमा गएर व्यवसाय र व्यवसायीको पक्षमा काम गर्न सुझाव दिएको उनले वताए ।

“यसभन्दा अघिल्लो निर्वाचनमा पनि धेरै साथीहरुले टानमा जान सुझाव दिनुभएको थियो तर अन्य आकांक्षी साथीहरुलाई मैले छोडेको थिएँ”–त्यसैले पनि यसपटक टानमा गएर व्यवसाय र व्यवसायीको हितमा काम गर्ने सोच वनाएको उनले वताए । 

के छन त एजेण्डा ?

टानको महासचिव पदका आकांक्षी ढकालले टिम्सलाई एकद्वार प्रणालीवाट लागु गर्न सके धेरै समस्यको समाधान हुने वताउँछन । टिम्सका सम्बन्धमा आवश्यक लविईङ र विशेष पहलले मात्र यो समस्या समाधान हुने उनको बुझाई छ । यसअघिका कतिपय कार्यसमितिमा अध्यक्ष,पदाधिकारी र सदस्यहरु विचमा नै मत बाझिएका कारण पनि समस्या समाधा हुन नसकेको उनको बुझाई छ । अवको कार्यकालमा त्यस्तो हुन नहुने उनको अपेक्षा छ । 

“टान सचिवालय लथालिङ हिसावले चलेको जस्तो देखिन्छ,त्यसको सहि व्यवस्थापन पनि आजको प्रमुख जिम्मेवारी हो”–त्यसलाई व्यवस्थापन गर्न सक्षम छु भन्ने लाग्छ,ढकालले भने ।

नेपालको पदयात्रा पर्यटन क्षेत्र मौलिक किसिमको व्यवसाय रहेको ढकालको बुझाई छ । सरकारले ल्याउने कतिपय अव्यवहारिक निति,नियम यो क्षेत्रका लागी उपयुक्त नहुने भएकोले सरकारसंग आवश्यक लविईङमा टान नेतृत्वले ध्यान दिनुपर्ने उनले वताए ।“हालै मात्र आएको पोर्टरले पनि प्यान विल दिनुपर्ने जस्ता विषय व्यवाहारिक रुपमा सम्भव छैन,यसमा टानले सरकारलाई यस व्यवसायको प्रकृति र विशेषतावारेमा बुझाउन आवश्यक छ”–यसका लागी पहल गर्नुपर्छ भन्ने उनलाई लाग्छ ।
त्यसवाहेक नेपाल सरकारले घोषणा गरेको नेपाल भ्रमण वर्ष २०२० लाई सफल पार्न टानले ल्याउनुपर्ने र सरकारलाई दिनुपर्ने आवश्यक सुझाव र समन्वयका लागी पनि आँफु उपयुक्त पात्र रहेको ढकालले वताए ।