२३ कात्तिक/अर्थ र व्यापार– मौद्रिक मौद्रिक नीतिको पहिलो त्रैमासिक समीक्षा आगामी ४ मंसिरमा हुने प्रतिनिधिसभा र प्रदेशसभाको निर्वाचनपछि हुने भएको छ । नेपाल राष्ट्र बैंकले चालु आर्थिक वर्ष २०७९/८० का लागि ल्याएको मौद्रिक मौद्रिक नीतिको पहिलो त्रैमासिक समीक्षा आगामी निर्वाचनपछि मात्र हुने बताएको हो ।
राष्ट्र बैंकले निर्वाचन समाप्त भए लगातै मंसिरको पहिलो साता नै त्रैमासिक समीक्षा सार्वजनिक गर्न गृहकार्य तिव्र पारिएको जनाएको छ ।
राष्ट्र बैंकले गत ६ साउनमा सार्वजनिक गरेको नयाँ मौद्रिक नीतिको पहिलो त्रैमासिक समीक्षा मंसिरको पहिलो साता नै सार्वजनिक हुने गरी तयारीका काम भइसकेको बताएको छ । राष्ट्र बैंकका कार्यकारी निर्देशक तथा आर्थिक अनुसन्धान विभागका प्रमुख डा.प्रकाश श्रेष्ठले यस्तो बताएका हुन ।
मौद्रिक नीतिको समीक्षा सार्वजनिक गर्नको लागि असोज महिनाको देशको आर्थिक तथा वित्तीय तथ्यांक आउनु पर्ने हुन्छ, अहिले त्यो तथ्यांक सार्वजनिक गर्ने तयारीमा राष्ट्र बैंक रहेको जानकारि गराउँदै कार्यकारी निर्देशक श्रेष्ठले भने, ‘प्रतिनिधिसभा र प्रदेशसभाको चुनाव ४ गते नै भएको समीक्षा चुनाव पछि सकभर मंसिरको पहिलो साता नै सार्वजनिक हुन्छ, त्यसको लागि अब विभागीय छलफल सुरु हुन्छ ।’

पछिल्लो समय निजी क्षेत्रका उद्योगी व्यवसायीले बैंकको ब्याजदर घटाउन राष्ट्र बैंकले हस्तक्षेप गर्नुपर्ने माग गर्दै सडक आन्दोलन गरिरहेका छन् । यसैगरि, गत भदौदेखि लागू भएको चालु पुँजीकर्जा सम्बन्धी मार्गदर्शन–२०७९ का केही बुँदा संसोधनको माग गरिरहेका व्यवसायीलाई पनि आगामी मौद्रिक नीतिको समिक्षा मार्फत सरकारले केही सम्बोधन गर्नुपर्ने हुन्छ ।
उनले मौद्रिक नीति समीक्षामा अहिले उठेको ब्याजदरको विषय सम्बोधनबारे भने विभागीय छलफलपछि नै टुंगो लाग्ने बताए । तर, चालु पुँजीकर्जामा गरिएको संसोधनमा कुनै परिमार्जन नहुने स्पष्ट पार्र्दे उनले भने, ‘मौद्रिक नीति समीक्षामा के आउँछ भन्ने बारे छलफल पछिमात्रै थाहा हुन्छ, ब्याजदर बारे विभागीय छलफलमा कुरा उठान होला तर, चालु पुँजी कर्जा भने लागू भएको धेरै भएको छैन्, त्यसको प्रभाव आउँनै बाँकी छ ।’
यसैगरि,चालुँ पुँजी कर्जा सम्बन्धी मार्गदर्शन कार्यान्वयनको प्रभाव मूल्यांकन नगरि तत्कालै कुनै परिमार्जन नहुने राष्ट्र बैंकले जनाएको छ ।