लिला बल्दव दाहाल
कोषाध्यक्ष
ट्रेकिङ एजेन्सिज एशोशियसन अफ नेपाल (टान)

पछिल्लो समय ट्रेकिङ एजेन्सिज एशोशियसन अफ नेपाल (टान) मा अध्यक्ष र कोषाध्यक्ष विचको विवाद र टानको विधान संसोधनको विषयमा सतहमा आएको छ । वास्तवमा भएको के हो त भन्ने विषयमा अर्थ र व्यापारले टानका कोषाध्यक्ष लिला वल्दव दाहाल संग निम्न प्रश्नहरु गरेको थियो ।

० पछिल्लो समय ट्रेकिङ एजेन्सिज एशोशियसन अफ नेपाल (टान) मा कोषाध्यक्षको अधिकार कटौती सम्बन्धमा कोषाध्यक्ष र अध्यक्ष विचको विवाद बाहिर आएको छ । खासमा भएको यथार्थ के हो ?

खासमा विगत तीन महिना देखि मैले टानको माईन्युट मागेको थिएँ । विभिन्न खर्चका विलहरु आउँदा मैले माईन्युट हेरेर मात्र त्यो खर्चको चेकमा हस्ताक्षर गर्नुपर्छ भनेको थिएँ । त्यसपछि मैले संस्थाको महासचिव संग माईन्युट माग्दा उहाँले अध्यक्षले झोलामा बोकेर हिँड्नुभएको छ भन्ने जवाफ दिनुभयो । यसविचमा नजिकको हिसावले उहाँहरुले सनराईज बैंकमा खाता खोल्ने भन्नुभयो,मैले पनि त्यसमा हस्ताक्षर गरेको थिएँ । तर उहाँहरुले पुरानो विधान र कार्यसमिति निर्णयको आधारमा सह–कोषाध्यक्ष वा कार्यसमितिको हस्ताक्षरका आधारमा पैसा झिक्न मिल्े गरि खाता खोल्नुभएछ । त्यसपछि मैले यो विधि र विधानभन्दा बाहिर गयो भनेर सनराईज बैंकमा खाता रोक्का गर्न निवेदन दिएको छु ।

उहाँहरुको ईच्छा के रहेछ भने नेपाल पर्यटन वोर्डवाट टिम्सको पैसा आउन आउन लागेको थियो,त्यो पैसा मनोमानी ढंगले खर्च गर्ने उहाँहरुको ईच्छा रहेछ । त्यो पैसा मनोमानि ढंगले खर्च गर्न नदिएपछि म माथि षड्यन्त्र भएको हो । पर्यटन वोर्डवाट ४ करोड रुपैयाँ टिम्स वाट लिने र त्यो पैसा नयाँ खातामा राख्ने र त्यो खातामा सह–कोषाध्यक्ष वा कार्यसमिति सदस्यको  हस्ताक्षरले पनि पैसा झिक्न मिल्ने गराएर टिम्सको पैसा माथि अपचलन गर्ने उहाँहरुको उद्देश्य रहेछ । 

० कोषाध्यक्षको विकल्पमा सह–कोषाध्यक्ष वा कार्यसमिति सदस्यको हस्ताक्षरले पनि रकम झिक्न मिल्ने विषयमा जिल्ला प्रशासन कार्यालयवाट विधान संसोधन भएको भन्ने कुरा के हो ?

टानका अध्यक्षले साधारणसभामा पास नै नभएको, पेश नै नभएको विषयमा किर्ते कागज वनाएर झोलामा बोकेर हिँड्नु भएको छ भन्ने साथिहरुवाट सुन्नमा आएको छ । उहाँले किर्ते कागत बनाएर जिल्ला प्रशासन कार्यालयमा पेश गर्नुभएको छ भन्ने थाहा पाएपछि मैले पनि मुद्दा  हाल्नका लागी कागजपत्रहरु तयार गर्दैछु । यो विषय सार्वजनिक भएपछि आम पदयात्रा व्यवसायिहरु र सदस्यहरु वाट पनि प्रश्न उठ्न थालेपछि उहाँले ती किर्ते कागजातहरु झोलामै बोकेर हिँड्नुभएको छ भन्ने सुनेको छु ।

० अध्यक्ष र कोषाध्यक्ष विचमा विवाद आउनुको पृष्ठभुमि र कारण के हो ?

उहाँहरुले वारम्वार टिम्समा बाँकी रहेको पैसा टानको खातामा सार्न दवाव दिईरहनुभएको थियो । मैले त्यो चेकमा हस्ताक्षर गर्न मानिन । विधिवत रुपमा टिम्सको रकम टानमा ल्याएर खर्च गर्न मिल्दैन,त्यो रकम त मजदुरहरुको हितमा,उद्धारमा खर्च गर्ने हो भन्ने विषयमा मैले अडान राखिरहें । उहाँहरुको चाहना टिम्सको पैसा ल्याएर ल्होसारको विल तिर्ने, टिम्सको पैसा ल्याएर उहाँहरुको चिया चमेनाका र रक्सिका विल तिर्ने रहेको पाईयो । अध्यक्ष चीन गएको विल पास नगरेको र टिम्सको पैसा टानमा सार्न नमानेका कारण म माथि यो षड्यन्त्र भएको हो ।

० उहाँहरुको त फेरी कार्यसमिति आएको सुरुदेखि कोषाध्यक्षले असहयोग गरेको भन्ने आरोप हुन सक्छ नी ?

वास्तवमा भन्ने हो भने टानमा अध्यक्षले भन्दा मैले धेरै समय दिएको छु । दिन दिनै नगएपनि म हप्तामा तिन दिन टान गएकै हुन्छु । हाम्रो नयाँ कार्यसमिति आउँदा टानको खातामा चार करोड रुपैयाँ थियो,आजका दिनमा टान उल्टो ५५ लाख रुपैयाँ घाटामा छ । मैले असहयोग गरेको भए,हस्ताक्षर नगरेको भए त टानको कोषमा प्रशस्तै पैसा जम्मा हुनुपर्ने होईन र ? किन आज टान टाट पल्टिन्थ्यो र ?

० किन आज ट्रेकिङ एजेन्सिज एशोशियसन अफ नेपाल (टान) टाट पल्टियो त ?

यसको पछाडी टानको आम्दानीको ७० प्रतिशत रकम कर्मचारीको तलवमा मात्र खर्च हुनु हो । हिजो टानमा ५० हजार रुपैयाँ तलव खाने सिईयो थियो, विभिन्न प्रोजेक्टहरु ल्याउँछ भन्दै एकजना एमालेको कार्यकर्तालाई उहाँहरुले टानको प्रमुख कार्यकारी अधिकृत नियुक्त गर्नुभयो मासिक ७० हजार मासिक तलवमा । तर त्यसको पनि कुनै प्रभावकारीता देखिएन । उहाँहरुले यति अनियन्त्रित कामहरु गर्नुभयो कि बुद्धचित्त फार्म ट्रिप भनेर आफ्नो गाउँमा गएर एक रात वसेर खाईपिई गर्नुभयो र ४ लाख भन्दा वढिको विल लिएर आउनुभयो । उहाँहरुले रक्सिको विल लिएर आउनुभयो र मैले रक्सिको विल नल्याउनुस भनेपछि विल मिलाएर ल्याउनुभयो र तीन महिना पछि त्यो विलमा मैले हस्ताक्षर गरेको हुँ । टानलाई टाट उल्टाउने यस्ता अरु पनि कार्यक्रमहरु ल्याउनुभएको थियो,मैले रोकेको हुँ ।